బట్టలు ఇస్త్రీ చేసుకునేటప్పుడు, ముఖ్యంగా పట్టు చీరల ఇస్త్రీలో ప్రత్యేక శ్రద్ధ తీసుకోవాలి. సాధారణ దుస్తుల మాదిరి వాటిని ఇస్త్రీ చేస్తే త్వరగా పాడైపోయే అవకాశం ఉంది. కాబట్టి కొన్ని జాగ్రత్తలు తీసుకోవాలి. అవేంటో తెలుసుకుందాం.
– చీరలు కొనేటప్పుడే వాటిని ఇస్త్రీ చేయవచ్చో లేదో తెలుసుకోవాలి.
– ఇస్త్రీ చేసేటప్పుడు చీరపై కాటన్‌ వస్త్రం ఉంచి చేయాలి. ఇలా చేస్తే, వేడికి కాలిపోకుండా ఉంటాయి.
– ఐరన్‌ బాక్స్‌ మోడ్స్‌ని మార్చుకోకుండా ఇస్త్రీ చేయకూడదు. అలాగే ముందుగా చీర అంచులను ఇస్త్రీ చేయాలి. ఆ తర్వాతే చీర మధ్యలో చేయాలి. ఇలా చేస్తే ముడతలు చక్కగా పోతాయి.
– ఐరన్‌ చేయగానే వెంటనే మడతలు పెట్టకూడదు. హ్యాంగర్‌కు వేలాడదీయాలి. వెంటనే మడత పెడితే ముడతలు వచ్చేస్తాయి.
