నవతెలంగాణ బ్యూరో – హైదరాబాద్‌
రాష్ట్ర భాషోపాధ్యాయ సంఘం (ఎస్‌ఎల్‌టీఏటీఎస్‌) 22వ ఆవిర్భావ దినోత్సవ వేడుకలు ఘనంగా జరిగాయి. బుధవారం హైదరాబాద్‌లో ఆ సంఘం రాష్ట్ర అధ్యక్షులు చక్రవర్తుల శ్రీనివాస్‌ ఎస్‌ఎల్‌టీఏ పతాకాన్ని ఆవిష్కరించారు. ఈ సందర్భంగా ఆయన మాట్లాడుతూ భాషాపండితుల ఆత్మగౌరవాన్ని కాపాడేందుకు 2003, అక్టోబర్‌ 2న ఎస్‌ఎల్‌టీఏ ఆవిర్భవించిందని చెప్పారు. ఈ ఏడాది జూన్‌ 19న భాషాపండితులకు పదోన్నతులు లభించాయని వివరించారు. రాష్ట్రవ్యాప్తంగా పదోన్నతులు పొందకుండా మిగిలిన తెలుగు, హిందీ పండితులకు పదోన్నతులను కల్పించేందుకు కృషి చేస్తామన్నారు. భాషా సేవకు అంకితమై ప్రభుత్వానికి మంచిపేరు తెస్తామని అన్నారు. ఈ కార్యక్రమంలో ఎస్‌ఎల్‌టీఏటీఎస్‌ ప్రధాన కార్యదర్శి గౌరీశంకర్‌, నాయకులు పెండ్యాల బ్రహ్మయ్య, జీవీవీ ప్రసాద్‌, అడ్లూరి వెంకటేశ్వర్లు, బషీర్‌, అనిల్‌, భాగ్యమ్మ, శ్రీహరి, దయాకర్‌, గౌస్‌పాషా, స్వామి, గుండు రవి, లింగమూర్తి, సురేంద్రనాథ్‌, వేణుమాధవ్‌ తదితరులు పాల్గొన్నారు.
Related posts:
హైడ్రా వంటి వ్యవస్థ కావాలని డిమాండ్ వస్తోంది: మంత్రి సీతక్క
ధియేటర్లో ఫర్నీచర్ ను ధ్వంసం చేసిన ఎన్టీఆర్ ఫ్యాన్స్..
సీఎం రిలీఫ్ ఫండ్ కు రిలయన్స్ ఫౌండేషన్ రూ.20 కోట్ల విరాళం
శ్రీ చైతన్య క్యాంపస్‌లో ఫుడ్ పాయిజన్.. 300 మంది విద్యార్థులకు అస్వస్థత
మూసీ సర్వేను అడ్డుకున్న స్థానికులు.. తీవ్ర ఉద్రిక్తత
రేషన్ కార్డు లేకున్నా ఇందిరమ్మ ఇండ్లు: మంత్రి పొంగులేటి