నవతెలంగాణ -డిచ్ పల్లితెలంగాణ యూనివర్సిటీ రిజిస్ట్రార్ ప్రొఫెసర్ డాక్టర్ ఎం యాదగిరికి తెలంగాణ రాష్ట్ర ఉత్తమ అధ్యాపక అవార్డు లభించింది. రాష్ట్ర రాజధాని హైదరాబాదులోని రవీంద్ర భారతి కళా నిలయంలో జరిగిన గురుపూజోత్సవ కార్యక్రమానికి రాష్ట్ర విద్యామంత్రి సబితా ఇంద్రారెడ్డి అధ్యక్షత వహించగా, ఉప ముఖ్యమంత్రి,హోం శాఖ మంత్రి మహిముద్ అలీ ముఖ్యఅతిథిగా, ఉన్నత విద్యా మండలి చైర్మన్ ప్రొఫెసర్ డాక్టర్ లింబాద్రి, శాసనమండలి సభ్యులు వివిధ యూనివర్సిటీ లవైస్ ఛాన్సలర్ లు హాజరయ్యారు.ఈ కార్యక్రమంలో తెలంగాణ యూనివర్సిటీ రిజిస్ట్రార్ ప్రొఫెసర్ డాక్టర్ ఎం యాదగిరిని శాలువా,మెమొంటో పూలమాలలతో ఘనంగా సత్కరించిప్రోత్సాహకంగా నగదు పారితోషకం పదివేల రూపాయలు అందజేశారు. ప్రొఫెసర్ ఎం. యాదగిరి ప్రస్తుతం తెలంగాణ యూనివర్సిటీ రిజిస్ట్రార్ గా కొనసాగుతున్నారు.ఇతను కామర్స్ సీనియర్ ప్రొఫెసర్, డీన్ & హెడ్, ఫ్యాకల్టీ ఆఫ్ కామర్స్. ఎం.కాం, ఎం.పిల్,పి.హెచ్ డి వరంగల్లోని కాకతీయ యూనివర్సిటీ నుండి, న్యూఢిల్లీలోని ఇందిరా గాంధీ నేషనల్ ఓపెన్ యూనివర్శిటీ (ఐజిఎన్ఓయూ) నుండి ఎం.బి.ఎ. డిగ్రీ లను పొందారు.ప్రొఫెసర్ ఎం. యాదగిరి 32ఎళ్ళు బోధన, పరిశోధన అనుభవాన్ని కలిగి ఉన్నారు. తెలంగాణ యూనివర్సిటీ లోని ఎగ్జామినేషన్స్ కంట్రోలర్గా, యూనివర్సిటీ కాలేజీ ప్రిన్సిపాల్గా, డైరెక్టరేట్ ఆఫ్ అకడమిక్ ఆడిట్ డైరెక్టర్గా పనిచేశారు. నల్గొండలోని మహాత్మాగాంధీ యూనివర్సిటీలో మూడేళ్లపాటు రిజిస్ట్రార్గా పనిచేశారు.అనేక జాతీయ, అంతర్జాతీయ సెమినార్లు, వర్క్ షాపులను నిర్వహించారు.ప్రొఫెసర్ డాక్టర్ యాదగిరి పర్యవేక్షణలో నేటి వరకు 13 మంది అభ్యర్థులకు పిహెచ్.డి డిగ్రీలు ప్రదానం చేశారు. ప్రస్తుతం 08 మంది పీహెచ్డీ అభ్యర్థులు తమ పరిశోధనను కామర్స్లో అభ్యసిస్తున్నారు. అతను అండర్-గ్రాడ్యుయేట్, పోస్ట్-గ్రాడ్యుయేట్ విద్యార్థుల కోసం ఉద్దేశించిన అకౌంటింగ్, ఫైనాన్షియల్ మేనేజ్మెంట్, బ్యాంకింగ్ లా అండ్ ప్రాక్టీస్, క్వాంటిటేటివ్ టెక్నిక్స్ మరియు టాక్సేషన్పై 51 పుస్తకాలను రచించారు.తెలుగు అకాడమీ, హైదరాబాద్ ప్రచురించిన 06 పుస్తకాలకు సంపాదకత్వం వహించారు.అతని పరిశోధన ప్రచురణలలో ప్రసిద్ధ జాతీయ, అంతర్జాతీయ జర్ నల్ లలో సుమారు 85 పరిశోధనా వ్యాసాలు ఉన్నాయి.అతను 31 జాతీయ, అంతర్జాతీయ సెమినార్లకు హాజరయ్యారు.అండర్-గ్రాడ్యుయేట్ పోస్ట్-గ్రాడ్యుయేట్ విద్యార్థుల కోసం వివిధ రేడియో పాఠాలను సిద్ధం చేశారు.హైదరాబాద్లోని డాక్టర్.బి.ఆర్. అంబేద్కర్ ఓపెన్ యూనివర్శిటీ విద్యార్థులకు “ఫైనాన్షియల్ మార్కెట్స్”పై ఆయన టీవీ పాఠాలు దూరదర్శన్ (యాదగిరి, సప్తగిరి) ఛానెల్లో ప్రసారం చేయబడ్డాయి. అతను యుజిసి మేజర్ రీసెర్చ్ ప్రాజెక్ట్ “ది ఎమర్జింగ్ డైమెన్షన్స్ ఆఫ్ కార్పోరేట్ క్యాపిటల్ ఫార్మేషన్ ఇన్ ఇండియా” (ఏప్రిల్ 1, 2013 నుండి మార్చి 31, 2015 వరకు) పూర్తి చేశారు.అతిథి ఫ్యాకల్టీగా ఎం.కాం, ఎం.బి.ఎ విద్యార్థులకు అకౌంటింగ్, ఫైనాన్స్కు సంబంధించిన వివిధ అంశాలపై ఉపన్యాసం అందించడం కోసం వివిధ కళాశాలలు & యూనివర్సిటీ లుఆహ్వానించాయి. డిఅర్డిఎ, ఉమెన్స్ ఫైనాన్స్ కార్పొరేషన్ వంటి వివిధ ప్రభుత్వ ఏజెన్సీలు కూడా ఆయనను ఆహ్వానించాయి.వివిధ ప్రోగ్రామ్ల కింద శిక్షణ పొందిన వారికి ఎంటర్ప్రెన్యూర్షిప్ డెవలప్మెంట్, మార్కెటింగ్ మేనేజ్మెంట్, అకౌంటింగ్పై ఉపన్యాసం, వివిధ సంస్థలు, యూనివర్సిటీ లు నిర్వహించే వివిధ రకాల రిఫ్రెషర్ కోర్సులు, ఓరియంటేషన్ ప్రోగ్రామ్లకు అతను రిసోర్స్ పర్సన్గా కూడా ఆహ్వానించబడ్డారు.అతను ఆల్ ఇండియా కామర్స్ అసోసియేషన్ (ఎఐసిఎ), న్యూఢిల్లీ, ఆల్ ఇండియా అకౌంటింగ్ అసోసియేషన్ (ఎఐఎఎ), న్యూఢిల్లీ, ఇండియన్ ఇన్స్టిట్యూట్ ఆఫ్ పబ్లిక్ అడ్మినిస్ట్రేషన్ (IIపిఎ), న్యూఢిల్లీలో జీవితకాల సభ్యులు గా ఉన్నారు.అత్యంత పేదరికంలో పుట్టిన ప్రోఫేసర్ యాదగిరి నిరంతరం కష్టపడుతూ, పారదర్శకంగా పరిపాలన కొనసాగిస్తూ, ఆచరణాత్మకంగా ముందుకెళ్తున్నరు.ఈ అవార్డు వచ్చిన సందర్భంగా ప్రొఫెసర్ యాదగిరి కి ఆడిట్ సెల్ డైరెక్టర్ ప్రొఫెసర్ గంట చంద్రశేఖర్, కంట్రోలర్ అరుణ, యూజీసీ డైరెక్టర్ డాక్టర్ ఆంజనేయులు కళాశాల ప్రిన్సిపాల్ ప్రొఫెసర్ ఆరతి, కామర్స్ ప్రొఫెసర్ రాంబాబు, వీఆర్వో డాక్టర్ పున్నయ్య, అన్ని శాఖల విభాగాధిపతులు టీచింగ్ నాన్ టీచింగ్ ఔట్సోర్సింగ్ ఉద్యోగులు శుభాకాంక్షలు తెలిపారు.
