ముక్కు దిబ్బడ సాధారణమైన సమస్య. ఈ సమస్యతో చాలా అసౌకర్యం కలుగుతుంది. ఇది శ్వాస తీసుకోవడంలో ఇబ్బంది తో పాటు, నిద్రకూ అంతరాయం కలిగిస్తుంది. ఈ సమస్యకు కొన్ని ఇంటి చిట్కాలను చూద్దాం.
ఉప్పు నీటితో గార్గిల్‌
ఉప్పు కలిపిన నీటిని ముక్కులో వేసుకోవడం ద్వారా ముక్కులో ఉండే తేమ పెరుగుతుంది. ఫలితంగా దిబ్బడ తగ్గుతుంది. ఉప్పు నీరు ముక్కులో ఉండే వ్యర్థాలను తొలగించి శ్వాసనాళాలను శుభ్రం చేస్తుంది. గోరువెచ్చని నీటిలో చిటికెడు ఉప్పు కలిపి, ఆ ద్రావణాన్ని ముక్కులో తీసుకోవాలి.
వేప లేదా యూకలిప్టస్‌ నూనె
యూకలిప్టస్‌ ఆయిల్‌ లేదా వేప ఆయిల్‌ తో ముక్కు దిబ్బడను తగ్గించుకోవచ్చు. ఈ నూనెలను ఆవిరి పట్టడం వల్ల శ్వాస నాళాల్లో ఉండే శ్లేష్మాన్ని కరిగించి, శ్వాస మార్గాలను సాఫీగా చేస్తాయి. గోరువెచ్చని నీటిలో 2-3 చుక్కల యూకలిప్టస్‌ నూనె లేదా వేప నూనె వేయాలి. ఈ నీటి నుంచి వచ్చే ఆవిరిని దుప్పటి కప్పుకుని ముక్కు ద్వారా, నోటి ద్వారా పీల్చుకోవాలి.
ఆవిరి పట్టడం
ఆవిరి పట్టడం ద్వారా ముక్కులోని శ్లేష్మాన్ని సులభంగా కరిగించి, దిబ్బడను తగ్గించుకోవచ్చు.
ఒక పాత్రలో వేడి నీటి ఆవిరిని దుప్పటి కప్పుకుని శ్వాసగా తీసుకోవాలి. దీని వల్ల ముక్కులో ఉండే శ్లేష్మం త్వరగా కరుగుతుంది.
గోరువెచ్చని నీరు తాగడం
గోరువెచ్చని నీళ్లు లేదా ఇతర పానీయాలు తాగడం ద్వారా ముక్కులో ఏర్పడిన అదనపు శ్లేష్మాన్ని తగ్గించుకోవచ్చు. ఇది శరీరానికి తేమను అందించి శ్వాస మార్గాలను తెరిచి, ముక్కులో నెమ్మదిగా శ్వాస తీసుకోవడంలో సహాయపడుతుంది.
తేనె, అల్లం
అల్లం రసానికి తేనె కలిపి తీసుకుంటే ముక్కు దిబ్బడ తగ్గుతుంది. అల్లం కషాయం వెచ్చగా తాగినా మంచి ఫలితం ఉంటుంది. అల్లంలోని యాంటీ ఇన్‌ఫ్లమేటరీ గుణాలు శ్వాస మార్గాలను సాఫీ చేస్తాయి.
ఒక టీ స్పూన్‌ అల్లం రసం, ఒక టీ స్పూన్‌ తేనె కలిపి తాగడం ద్వారా ఉపశమనం పొందవచ్చు.
తగినంత విశ్రాంతి
విశ్రాంతి తీసుకోవడం వల్ల శరీరానికి శక్తి సంతరించుకుని వ్యాధిని ఎదుర్కోవడానికి సమాయత్తం అవుతుంది. ఇన్ఫెక్షన్‌ త్వరగా తగ్గుతుంది.
