నటుడు, డబ్బింగ్‌ ఆర్టిస్ట్‌ పి.రవిశంకర్‌ తన దర్శకత్వంలో ‘సుబ్రహ్మణ్య’ సినిమాతో తన కుమారుడు అద్వరుని హీరోగా పరిచయం చేస్తున్నారు. ఎస్‌జి మూవీ క్రియేషన్స్‌ బ్యానర్‌పై తిరుమల్‌ రెడ్డి, అనిల్‌ కడియాల ఈ సోషియో ఫాంటసీ అడ్వెంచర్‌ను నిర్మిస్తున్నారు. ప్రవీణ కడియాల, రామలక్ష్మి సమర్పణలో ఇటీవల విడుదల చేసిన ప్రీ-లుక్‌కి అద్భుతమైన స్పందన వచ్చింది. వినాయక చతుర్థి సందర్భంగా నిర్మాతలు ఈ సినిమా ఫస్ట్‌ లుక్‌ పోస్టర్‌ను విడుదల చేశారు. కన్నడ సూపర్‌ స్టార్‌ డా. శివ రాజ్‌కుమార్‌ లాంచ్‌ చేసిన పోస్టర్‌లో అద్రుని టైటిల్‌ రోల్‌లో సుబ్రహ్మణ్యగా పరిచయం చేశారు. విజువల్‌ ట్రీట్‌లా ఉన్న ఫస్ట్‌ లుక్‌ పోస్టర్‌ అందరి దష్టిని ఆకర్షిస్తోంది. ఈ చిత్రం ఇప్పటికే 60% నిర్మాణాన్ని పూర్తి చేసుకుంది. పోస్ట్‌ ప్రొడక్షన్‌ కార్యక్రమాలు ముంబయిలోని ప్రముఖ రెడ్‌ చిల్లీస్‌ స్టూడియోలో శరవేగంగా జరుగుతున్నాయి. ముంబై, హైదరాబాద్‌, బెంగళూరు, చెన్నై నుంచి ప్రముఖ స్టూడియోలలో వీఎఫ్‌ఎక్స్‌, సీజీ పనులు జరుగుతున్ాయి. పాన్‌ ఇండియా మూవీగా తెలుగు, కన్నడ, తమిళం, మలయాళం, హిందీభాషల్లో విడుదల కానుంది. ఈ చిత్రానికి దర్శకత్వం: పి.రవిశంకర్‌, సంగీతం: రవి బస్రూర్‌, డిఓపి: విఘ్నేష్‌ రాజ్‌, ఎడిటర్‌: విజరు ఎం కుమార్‌, ప్రొడక్షన్‌ డిజైనర్‌: ఉల్లాస్‌ హైదూర్‌.
