నవతెలంగాణ – అమరావతి: ఏపీలోని అన్నమయ్య జిల్లా మదనపల్లిలో తండ్రిని తీవ్రంగా కొట్టి చంపిన కూతురు ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాలు ప్రకారం.. హరిత చదువుకున్నది బీఎస్సీ, బీఈడీ అయినా.. ఆలోచనలు మాత్రం చాలా ఫాస్ట్ గా ఉన్నాయి. ముగ్గురితో ప్రేమాయణం నడిపినట్లు పోలీసులు తెలిపారు. హరిత మదనపల్లెకు చెందిన రమేశ్ అనే యువకుడితో సన్నిహితంగా ఉంటుంది. అతనికి తన బంగారు నగలు ఇచ్చింది. అతను వాటిని తాకట్టు పెట్టి రూ.11 లక్షల 40 వేలు క్యాష్ చేసుకున్నాడు. సాయి కృష్ణ అనే మరో యువకుడికి రూ.8 లక్షల రూపాయలు ఇచ్చింది హరిత.. అంతేనా.. వీళ్లిద్దరే కాకుండా హరీష్ రెడ్డి అనే మరో యువకుడితోనూ సన్నిహితంగా ఉంటోంది హరిత. ఈ ముగ్గురికి తన దగ్గర ఉన్న డబ్బులు, బంగారం, ఇతర విలువైన వస్తువులను ఇచ్చింది. ఈ ముగ్గురితోనూ ఎంతో క్లోజ్ గా ఉంటూ.. వాళ్లు అడిగినప్పుడు తన బంగారం, డబ్బులు ఇచ్చినట్లు విచారణలో వెల్లడించింది హరిత.అయితే ఈ డబ్బంతా తన తండ్రి దొర స్వామి ప్రభుత్వ ఉపాధ్యాయుడు కావడంతో కూతురు పెండ్లికోసం దాచిన డబ్బంతా ఇలా తన ఇష్టానుసారం ప్రేమికుల కోసం వృధా చేస్తోందని పోలీసులు వివరించారు. నిత్యం ఫోన్ లో చాటింగ్ చేయటం.. ఫోన్లు మాట్లాడటం ద్వారా హరిత తన విషయాలు అన్నీ వాళ్లకు చెప్పేదని అంటున్నారు పోలీసులు. ఈ నేపథ్యంలో కూతురును తండ్రి దొరస్వామి పెండ్లి చేసుకోమ్మని ఒత్తిడి చేయడంతో కోపంతో ఈ నెల13న తండ్రి దొరస్వామిని కుమార్తె ఇంట్లోనే తీవ్రంగా కొట్టి చంపిందని పోలీసులు తెలిపారు. ఆ తర్వాత హరితను అరెస్టు చేసి, విచారణ చేయగా తను ముగ్గురితో ప్రేమాయణం నడిపినట్లు తెలిసిందని పోలీసులు వివరించారు.
