అంగన్వాడీలో ఘనంగా స్వరక్షా డే..!

నవతెలంగాణ – పెద్దవూర
శుక్రవారం అనుముల శిశు సంక్షేమ శాఖ ఐసీడీఎస్ వారి అధ్వర్యంలో స్వరక్షా డే, భేటీ బచావో భేటీ పడావో కార్యక్రమం ఘనంగా నిర్వహించారు. ఈ కార్య క్రమానికి అంగన్వాడీ చలకుర్తి సెక్టారు సూపర్ వైజర్ గౌసియా బేగం ముఖ్య అతిథిగా హాజరై గ్రామం లో ర్యాలీ నిర్వహించి కార్యక్రమాన్ని ప్రారంభించి మాట్లాడారు. బాలల హక్కులు, ముఖ్యంగా బాలిక సాధికారత కోసం ప్రభుత్వం చేస్తున్న పతకాలను ప్రవేశ పెట్టిందని తెలిపారు. వారి రక్షణ కోసం, అభివృది కోసం తీసుకుంటున్న చర్యలను, వాటి పరిరక్షణ చట్టలైన పోక్సో 2012 చట్టం,  చైల్డ్ ప్రొటెక్షన్ పాలసీ, బాల్య వివాహాల నిరోధ చట్టం 2006, వంటి వాటి పైన అవగాహన కల్పించామని తెలిపారు. బాలలకు ఏదైనా ఆపద ఉంటే 1098,100 ,181 ఉచిత టోల్ ఫ్రీ నంబరను ఉపయోగించుకోవాలని అని అన్నారు. ఈ కార్యక్రమంలో అంగన్వాడీ టీచర్
యాదమ్మ, ఆయా, లబ్ధిదారులు, ఏఎన్ఎం లు, గ్రామస్తులు పాల్గోన్నారు.