అనన్య నాగళ్ళ, ధనుష్‌ రఘుముద్రి, సలోని, టెంపర్‌ వంశీ, మీసాల లక్ష్మణ్‌ ముఖ్య పాత్రల్లో నటిం చిన సినిమా ‘తంత్ర’. ఫస్ట్‌ కాపీ మూవీస్‌, బి ద వే ఫిల్మ్స్‌ బ్యానర్లపై శ్రీనివాస్‌ గోపిశెట్టి దర్శకత్వంలో నరేష్‌బాబు పి, రవిచైతన్య సంయుక్తంగా నిర్మిస్తున్న ఈ సినిమా నుంచి ఫస్ట్‌ సాంగ్‌ని రిలీజ్‌ చేశారు. ఈ సందర్భంగా దర్శకుడు మాట్లాడుతూ, ‘గతంలో మేం రిలీజ్‌ చేసిన ఫస్ట్‌-లుక్‌కి చాలా మంచి స్పందన లభించింది. టీజర్‌కి కూడా అద్భుతమైన రెస్పాన్స్‌ వచ్చింది. టీజర్‌ చూసిన ప్రతి ఒక్కరూ పాజిటివ్‌ కామెంట్స్‌ ఇస్తూ, డిఫరెంట్‌ కాన్సెప్ట్‌ అని మెచ్చుకోవడం మాకు మంచి ధైర్యాన్నిస్తోంది. అతి త్వరలో ట్రైలర్‌ని కూడా రిలీజ్‌ చేయబోతున్నాం. మా ప్రొడ్యూసర్స్‌ ఎక్కడా కాంప్రమైజ్‌ అవ్వకుండా బాగా సహకరించారు. గతంలో ఎన్నో అద్భుతమైన పాటలు పాడిన అనురాగ్‌ కులకర్ణి ఈ సాంగ్‌ పాడడం సాంగ్‌కి చాలా ప్లస్‌ అయ్యింది. ఎంతో బిజీగా ఉన్నా కూడా అడగ్గానే కాదనకుండా ఈ సాంగ్‌ రిలీజ్‌ చేసిన పాయల్‌ రాజ్‌పుత్‌, అనసూయకి ప్రత్యేక కతజ్ఞతలు’ అని తెలిపారు. ‘ఫస్ట్‌-లుక్‌, టీజర్‌కి వస్తున్న ఆదరణ మాకు చాలా ఉత్సాహాన్నిచ్చింది. ఇలాగే ప్రేక్షకుల ఆదరణ మా సినిమా పైన, మా పైన ఉండాలని కోరుకుంటున్నాం’ అని ప్రొడ్యూసర్స్‌ చెప్పారు.
