అనన్య నాగళ్ల ప్రధాన పాత్రలో నటించిన చిత్రం ‘తంత్ర’. ఈ చిత్ర టీజర్‌ శుక్రవారం నటుడు ప్రియదర్శి చేతుల మీదుగా రిలీజ్‌ అయ్యింది. ‘ఊరిలో పుట్టిన దుష్టశక్తి రక్తదాహంతో విరుచుకుపడుతోంది..’ అంటూ చెబుతున్న డైలాగ్స్‌ మీద కట్‌ అయిన టీజర్‌ రకరకాల తాంత్రిక పూజలని చూపిస్తూ మైండ్‌-బ్లోయింగ్‌గా ఉంది.
టీజర్‌ని బట్టి ఈ సినిమాలో మన పురాతన తాంత్రిక రహస్యాలని వెలికితీస్తున్నట్టు తెలుస్తోంది. అనన్య దుష్టశక్తి బారిన పడిన అమ్మాయిగా కొత్తగా కనిపిస్తోంది. అనన్య ఇంతవరకు చెయ్యని ఒక క్రేజీ రోల్‌ చేస్తోందని మేకర్స్‌ చెబుతున్నారు. క్షుద్రపూజలు చేసే తాంత్రికుడిగా ‘టెంపర్‌ వంశీ’ లుక్‌ బాగా సెట్‌ అయ్యింది. సలోని పాత్ర మిస్టీరియస్‌గా కనపడుతోంది. ప్రస్తుతం హర్రర్‌ ట్రెండ్‌ నడుస్తోంది. క్షుద్రపూజలు ఇతివత్తంగా వస్తున్న సినిమాలు బ్లాక్‌బస్టర్‌ హిట్స్‌ కొడుతున్న టైమ్‌లో వస్తున్న ఈ మూవీ కూడా ప్రామిసింగ్‌గా కనపడుతోంది. శ్రీహరి తమ్ముడి కొడుకు ధనుష్‌ రఘుముద్రి ఈ మూవీతో హీరోగా పరిచయమవుతున్నాడు. రీసెంట్‌గా ‘మంగళవారం’ సినిమాతో ఆకట్టుకున్న మీసాల లక్ష్మణ్‌ ఈ సినిమాలో ఒక మంచి రోల్‌ చేయ బోతున్నారు. ఫస్ట్‌ కాపీ మూవీస్‌, బి ద వే ఫిల్మ్స్‌ బ్యానర్స్‌ కలిసి రూపొం దించిన ఈ సినిమా ఫస్ట్‌లుక్‌కి మంచి రెస్పాన్స్‌ వచ్చింది. వాల్ట్‌డిస్నీలో పని చేసిన శ్రీనివాస్‌ గోపిశెట్టి ఈ మూవీతో దర్శకుడిగా పరిచయం అవుతున్నారు. ఈ చిత్రానికి నిర్మాతలు నరేష్‌ బాబు పి, రవి చైతన్య.
