– తెలంగాణ క్రికెట్‌ అభివద్ధికి అందరూ సహకరించాలి
– టీడీసీఏ వ్యవస్థాపక అధ్యక్షులు అల్లీపురం వెంకటేశ్వర్‌ రెడ్డి
నవతెలంగాణ-హైదరాబాద్‌
తెలంగాణ గ్రామీణ ప్రాంతాల్లో క్రికెట్‌ అభివద్దికి అందరూ సహకరించాలని, గ్రామీణ క్రికెటర్లకు సైతం జాతీయ స్థాయిలో అవకాశాలు దక్కేందుకు తెలంగాణ జిల్లాల క్రికెట్‌ సంఘానికి (టీడీసీఏ) బీసీసీఐ గుర్తింపు ఇవ్వాలని టీడీసీఏ వ్యవస్థాపక అధ్యక్షులు, శాట్‌ మాజీ చైర్మెన్‌ అల్లీపురం వెంకటేశ్వర్‌ రెడ్డి కోరారు. బషీర్‌బాగ్‌ ప్రెస్‌ క్లబ్‌లో శుక్రవారం జరిగిన కార్యక్రమంలో అమెరికా క్రికెట్‌ బోర్డు చైర్మెన్‌ పిసికె వేణు రెడ్డిని శాట్‌ చైర్మెన్‌ కే. శివసేనా రెడ్డితో కలిసి టీడీసీఏ ఘనంగా సత్కరించింది. ఈ సందర్భంగా టీడీసీఏ 2025 క్యాలెండర్‌, అండర్‌-16 టోర్నమెంట్‌ ట్రోఫీలను ఆవిష్కరించారు. ‘ తెలంగాణ బిడ్డ అగ్రరాజ్యం అమెరికా క్రికెట్‌ బోర్డు చైర్మెన్‌గా ఎదగటం గర్వించగదగిన విషయం. గ్రామీణ ప్రాంతాల్లో క్రికెట్‌ అభివద్ది కోసం టీడీసీఏ కష్టపడుతోంది. ప్రభుత్వం నుంచి అన్ని విధాలుగా సహకారం అందిస్తామని’ శివసేనా రెడ్డి తెలిపారు. ‘అమెరికాలో క్రికెట్‌ను ఐసీసీ గత ఐదారేండ్లలోనే గుర్తించింది. అంతకుముందు, స్వచ్ఛందంగానే ఆట కోసం పని చేశాం. నేను చైర్మెన్‌గా ఉన్న సమయంలోనే అమెరికా జట్టు ఐసీసీ టీ20 వరల్డ్‌కప్‌కు ఆతిథ్యం ఇవ్వటం, రానున్న ప్రపంచకప్‌కు నేరుగా అర్హత సాధించటం సంతప్తి అందించాయి. తెలంగాణలో గ్రామీణ క్రికెట్‌ పురోగతి సాధించాలని కోరుకుంటున్నాను’ అని వేణు రెడ్డి పిసికె ఆకాంక్షించారు. ఎస్‌జెఎఫ్‌ చైర్మెన్‌ రామిరెడ్డి, పెటా టిఎస్‌ రాష్ట్ర అధ్యక్షుడు బి.రాఘవరెడ్డి, సురేందర్‌ రెడ్డి, టీఎన్జీఓ రాష్ట్ర కార్యదర్శి ముజీబ్‌, సినీ నటుడు శ్రీధర్‌, ప్రవాస తెలంగాణీయులు, తెలంగాణ జిల్లాల క్రికెట్‌ సంఘం (టీడీసీఏ) జిల్లా కన్వీనర్లు, క్రికెటర్లు తదితరులు కార్యక్రమంలో పాల్గొన్నారు.
