తెలంగాణ ఆత్మగౌరవ సంబరం “బతుకమ్మ”

తెలంగాణ రాష్ట్ర ఆత్మగౌరవ సంబరం “బతుకమ్మ” పండుగ అని ఎస్ ఫౌండేషన్ అధ్యక్షురాలు గుంటకండ్ల సునీత జగదీష్ రెడ్డి అన్నారు. మండల పరిధిలోని అనంతారం గ్రామానికి మంగళవారం విచ్చేసిన ఆమె గ్రామ మహిళలకు బతుకమ్మ పండుగ శుభాకాంక్షలు తెలియచేశారు. ఈ సందర్భంగా జెడ్పీటీసీ మామిడి అనిత అంజయ్య, ఎంపీటీసీ మామిడి రేవతి పరంధాములు, సర్పంచ్ భార్య బైరెడ్డి జయమ్మ లతో కలిసి పూలతో బతుకమ్మలను పేర్చారు. ఈ సందర్భంగా ఆమె మాట్లాడుతూ బతుకమ్మలను పేర్చుతు మహిళలు తమ బాగోగులు తెలుసుకుంటారని, మహిళలను ఒక దగ్గరికి చేసే పండుగ బతుకమ్మ అన్నారు. ఈ కార్యక్రమంలో వార్డ్ సభ్యులు కోటమ్మ, బోడ బుజ్జమ్మ, దంతాల వాణి, గ్రామ మహిళలు, తదితరులు పాల్గొన్నారు.