ప్రభాస్‌ హీరోగా డైరెక్టర్‌ మారుతి రూపొందిస్తున్న చిత్రం ‘రాజా సాబ్‌’. ఈ చిత్రాన్ని పీపుల్‌ మీడియా ఫ్యాక్టరీ బ్యానర్‌లో నిర్మాత టీజీ విశ్వప్రసాద్‌ ప్రతిష్టాత్మకంగా నిర్మిస్తున్నారు. ప్రభాస్‌ ఇప్పటిదాకా చేయని రొమాంటిక్‌ హర్రర్‌ జోనర్‌లో ఈ సినిమాను దర్శకుడు మారుతి రూపొదిస్తుండటంతో ఈ సినిమా మీద అందరిలో క్యూరియాసిటీ బాగా పెరిగింది. ఈ సినిమా నుంచి రెబెల్‌ ఫ్యాన్స్‌, మూవీ లవర్స్‌ ఎదురుచూస్తున్న అప్డేట్‌ వచ్చేసింది. బుధవారం ప్రభాస్‌ పుట్టినరోజు సందర్భంగా ఆయనకు బర్త్‌ డే విషెస్‌ చెబుతూ ఈ సినిమా నుంచి మోషన్‌ పోస్టర్‌ రిలీజ్‌ చేశారు. ఈ మోషన్‌ పోస్టర్‌ను యూనిక్‌గా డిజైన్‌ చేశారు. ఒక అడవిలో నడిచి వెళ్తున్న వ్యక్తి పెద్ద భవంతికి చేరుకుంటాడు. అక్కడ సింహాసనం లాంటి కుర్చీలో కూర్చున్న రాజా సాబ్‌ను మోషన్‌ పోస్టర్‌లో పరిచయం చేశారు. చేతిలో సిగార్‌, సాల్ట్‌ అండ్‌ పెప్పర్‌ హెయిర్‌ స్టైల్‌తో ప్రభాస్‌ రాజా సాబ్‌ క్యారెక్టర్‌ వింటేజ్‌ లుక్‌ అదిరిపోయింది. మోషన్‌ పోస్టర్‌కు తమన్‌ చేసిన థీమ్‌ సాంగ్‌ ఆకర్షణగా నిలుస్తోంది. హర్రర్‌ ఈజ్‌ ది న్యూ హ్యూమర్‌ అనే క్యాప్షన్‌ మోషన్‌ పోస్టర్‌ చివరలో వేయడం ద్వారా ఒక కొత్త ట్రెండ్‌ సెట్‌ చేసే హర్రర్‌ ఫ్లస్‌ కామెడీ ఇందులో ఉండబోతున్నట్లు మేకర్స్‌ తెలియజేశారు. వరుస సక్సెస్‌లు అందుకుంటున్న టాప్‌ ప్రొడక్షన్‌ హౌస్‌ పీపుల్‌ మీడియా ఫ్యాక్టరీ ఈ సినిమాను భారీ ప్రొడక్షన్‌ వ్యాల్యూస్‌తో, ఎక్కడా రాజీపడకుండా గ్రాండ్‌గా నిర్మిస్తోంది. డైరెక్టర్‌ మారుతి ప్రేక్షకులకు చిరకాలం గుర్తుండిపోయే మాస్టర్‌ పీస్‌గా దీన్ని తీర్చిదిద్దుతున్నారు. పాన్‌ ఇండియా స్థాయిలో తెలుగుతో పాటు తమిళ, మలయాళ, కన్నడ, హిందీలో వచ్చే ఏడాది ఏప్రిల్‌ 10న గ్రాండ్‌గా ప్రేక్షకుల ముందుకు రాబోతోంది. ప్రస్తుతం ఈ సినిమా చిత్రీకరణ తుది దశలో ఉంది. నిధి అగర్వాల్‌, మాళవిక మోహన్‌, రిధి కుమార్‌ తదితరులు నటిస్తున్న ఈ చిత్రానికి ఎడిటింగ్‌ – కోటగిరి వెంకటేశ్వరరావు, సినిమాటోగ్రఫీ – కార్తీక్‌ పళని, మ్యూజిక్‌ – తమన్‌, ఫైట్‌ మాస్టర్‌ – రామ్‌ లక్ష్మణ్‌, కింగ్‌ సోలొమన్‌, వీఎఎఫ్‌ఎక్స్‌ – ఆర్‌.సి. కమల్‌ కన్నన్‌, ప్రొడక్షన్‌ డిజైనర్‌ – రాజీవన్‌, క్రియేటివ్‌ ప్రొడ్యూసర్‌ – ఎస్‌ కేఎన్‌, కో ప్రొడ్యూసర్‌ – వివేక్‌ కూచిభొట్ల, ఎగ్జిక్యూటివ్‌ ప్రొడ్యూసర్‌ – కతి ప్రసాద్‌, ప్రొడ్యూసర్‌ – టీజీ విశ్వప్రసాద్‌, రచన, దర్శకత్వం – మారుతి.
