హీరో సూర్య నటించిన తాజా చిత్రం ‘కంగువ’. భారీ పీరియాడిక్‌ యాక్షన్‌ ఫిల్మ్‌గా దర్శకుడు శివ రూపొందించారు. దిశా పటానీ, బాబీ డియోల్‌ కీలక పాత్రల్లో కనిపించారు. స్టూడియో గ్రీన్‌, యూవీ క్రియేషన్స్‌ బ్యానర్స్‌ పై కేఈ జ్ఞానవేల్‌ రాజా, వంశీ, ప్రమోద్‌ నిర్మించారు.
ఈ సినిమాను నైజాం ఏరియాలో మైత్రీ మూవీ డిస్ట్రిబ్యూటర్స్‌ రిలీజ్‌ చేశారు. ఈ సినిమా ఈ నెల 14న విడుదలై, ఘన విజయాన్ని సొంతం చేసుకుంది. రిలీజైన ప్రతి ఏరియా నుంచి ఈ చిత్రానికి సూపర్‌ హిట్‌ రెస్పాన్స్‌ వస్తోంది.
ఈ నేపథ్యంలో నిర్మాత కేఈ జ్ఞానవేల్‌ రాజా మీడియాతో పలు విశేషాలను షేర్‌ చేసుకున్నారు.
ఈ సినిమాకు మేం పడిన మూడేళ్ల కష్టానికి ఫలితంగా ప్రేక్షకులు ఘన విజయాన్ని అందించారు. మంచి చిత్రాలను ఆదరించడంలో తెలుగు ప్రేక్షకుల అభిరుచి మరోసారి వెల్లడైంది. తమిళంలో కంటే తెలుగులో కలెక్షన్స్‌ ఎక్కువగా వస్తున్నాయి. సూర్య సినిమాల్లో హయ్యెస్ట్‌ కలెక్టెడ్‌ మూవీగా ఇది నిలుస్తుంది. తెలుగులో కలెక్షన్స్‌ బాగా పెరుగుతున్నాయి. మల్టీప్లెక్స్‌లు హౌస్‌ఫుల్‌ అవుతున్నాయి. డిస్ట్రిబ్యూట్‌ చేసిన మైత్రీ సంస్థ నుంచి మాకు సంతోషాన్నిచ్చేలా కలెక్షన్‌ నెంబర్స్‌ వస్తున్నాయి.
నార్త్‌ బెల్ట్‌లో కూడా మంచి నెంబర్స్‌ చేస్తోంది. వీక్‌డేస్‌లో ఈ రేంజ్‌ కలెక్షన్స్‌ రావడం గుడ్‌ సైన్‌ అంటూ అక్కడి నుంచి బాక్సాఫీస్‌ రిపోర్ట్స్‌ వస్తున్నాయి. నార్త్‌లో రిలీజైన అన్ని సౌత్‌ మూవీస్‌లో ఈ సినిమా బిగ్‌ ఓపెనింగ్స్‌ దక్కించుకుంటోంది. మా టీమ్‌ మెంబర్స్‌ థియేటర్స్‌కు వెళ్లి ఆడియెన్స్‌ రెస్పాన్స్‌ చూసి హ్యాపీగా ఫీలవుతున్నారు.
ఈ మధ్య కాలంలో ఆడియెన్స్‌ బిగ్‌ స్కేల్‌ మూవీస్‌ చూసేందుకు బాగా ఇష్టపడుతున్నారు. ఈ చిత్రంలో మేం ఒక కొత్త వరల్డ్‌ని బిల్డ్‌ చేశాం.
హ్యూజ్‌ ప్రొడక్షన్‌ వ్యాల్యూస్‌, సీజీ వర్క్‌ ప్రేక్షకుల్ని ఆకట్టుకుంటోంది. ప్రొడక్షన్‌ వైజ్‌ హై క్వాలిటీతో ఉందనే అప్రిషియేషన్స్‌ రావడం నిర్మాతగా నేను సంతోషించే విషయం. సినిమాను లైవ్‌ లొకేషన్స్‌తో పాటు సెట్స్‌ వేసి చేశాం. నేను స్క్రీన్‌ మీద సినిమా చూస్తున్నప్పుడు ఏది సెట్‌, ఏది సీజీ అనేది గుర్తుపట్ట లేకపోయాను (నవ్వుతూ).
మూవీ ప్రొడక్షన్‌లో దర్శకుడు శివ చాలా సపోర్ట్‌ చేశారు. ప్రొడక్షన్‌ టెన్షన్స్‌ నా మీద పడకుండా కొంత తగ్గించారు. ఆయన మూవీ కథ, పాత్రల్లోని జెన్యూనిటీ తగ్గకుండా, మరోవైపు కమర్షియల్‌ ఎలిమెంట్స్‌తో మిక్స్‌ చేస్తూ అద్భుతంగా రూపొందించారు. క్లైమాక్స్‌లో వచ్చే గెస్ట్‌ రోల్‌ను సర్‌ప్రైజ్‌ కోసం రివీల్‌ చేయలేదు. మేం అలా హైడ్‌ చేసి ఉంచడం వల్లే ఈ రోజు థియేటర్స్‌లో ఆడియెన్స్‌ థ్రిల్‌ అవుతున్నారు.
సూర్య చేసిన రెండు డిఫరెంట్‌ రోల్స్‌కు మంచి అప్రిషియేషన్స్‌ వస్తున్నాయి. ఆయన ఈ మూవీ కోసం పడిన హార్డ్‌ వర్క్‌ స్క్రీన్‌ మీద కనిపించింది. సూర్య నటనకు ప్రతి ఒక్కరూ ప్రశంసలు అందిస్తున్నారు. బాబీ డియోల్‌ పర్‌ఫార్మెన్స్‌ మరో హైలైట్‌ అని చెబుతున్నారు.
దేవిశ్రీ ప్రసాద్‌ మంచి మ్యూజిక్‌ ఇచ్చారు. బీజీఎం కూడా ది బెస్ట్‌ అందించారు. యోలో, ఫైర్‌ సాంగ్‌, నాయకా.. ఇలా ప్రతి సాంగ్‌కు సూపర్బ్‌ రెస్పాన్స్‌ వస్తోంది.
‘కంగువ 2’ లో దీపిక పడుకొనెను నాయికగా తీసుకుంటున్నామనే విషయంలో నిజం లేదు. డైరెక్టర్‌ శివకు అజిత్‌తో ఓ మూవీ చేయాల్సిన కమిట్‌మెంట్‌ ఉంది. ఆ ప్రాజెక్ట్‌ అయ్యాక ‘కంగువ 2’ చేస్తాం.
ప్రస్తుతం కార్తితో మా స్టూడియో గ్రీన్‌లో చేస్తున్న ‘వా వాతియర్‌’ జనవరి చివరలో లేదా ఫిబ్రవరిలో రిలీజ్‌కి సన్నాహాలు చేస్తాం.
