ప్రేక్షకుల్ని మెప్పించే కమిటీ కుర్రోళ్ళు

ప్రేక్షకుల్ని మెప్పించే కమిటీ కుర్రోళ్ళునిహారిక కొణిదెల సమర్పణలో పింక్‌ ఎలిఫెంట్‌ పిక్చర్స్‌ ఎల్‌.ఎల్‌.పి, శ్రీరాధా దామోదర్‌ స్టూడియోస్‌ బ్యానర్స్‌పై రూపొందిన ‘కమిటీ కుర్రోళ్ళు’ సినిమాకు యదు వంశీ దర్శకుడు. శుక్రవారం ఈ చిత్ర ట్రైలర్‌ను యువ హీరో సిద్దు జొన్నలగడ్డ రిలీజ్‌ చేశారు. ‘మా ఎగ్జిక్యూటివ్‌ ప్రొడ్యూసర్‌ రమేష్‌ లేకపోతే సినిమా ఇక్కడి వరకు వచ్చేది కాదు. మూవీకి పని చేసిన ప్రతీ ఒక్కరూ బెస్ట్‌ ఇచ్చారు. ఆగస్ట్‌ 9న మా చిత్రం రాబోతోంది. అందరూ చూసి సక్సెస్‌ చేయండి’ అని నిహారిక కొణిదెల చెప్పారు. దర్శకుడు యదు వంశీ మాట్లాడుతూ,’సినిమా చూస్తే చాలా రీఫ్రెష్‌గా, నోస్టాల్జిక్‌గా అనిపిస్తుంది. మేం మంచి చిత్రాన్ని తీశాం’ అని తెలిపారు. నిర్మాత ఫణి అడపాక మాట్లాడుతూ, ‘ఎమోషన్‌ క్యారీ అయ్యేట్టుగా.. అనుకున్నది అనుకున్నట్టుగా యదు సినిమాను తీశారు’ అని అన్నారు. ‘ట్రైలర్‌ అందరికీ నచ్చుతుందని ఆశిస్తున్నాను. సినిమా కూడా అందరికీ నచ్చుతుంది. యదు మంచి సినిమాను తీశారు. విలేజ్‌ బ్యాక్‌ డ్రాప్‌లో వస్తున్న మంచి యూత్‌ ఫుల్‌ సినిమా ఇది’ అని ఎగ్జిక్యూటివ్‌ ప్రొడ్యూసర్‌ రమేష్‌ చెప్పారు.
మ్యూజిక్‌ డైరెక్టర్‌ అనుదీప్‌ దేవ్‌ మాట్లాడుతూ,’మా ట్రైలర్‌ను రిలీజ్‌ చేసిన సిద్దుకి థ్యాంక్స్‌. ఇప్పటి వరకు రిలీజ్‌ చేసిన సాంగ్స్‌ అందరికీ నచ్చాయి. ట్రైలర్‌ కూడా అందరికీ నచ్చుతుందని భావిస్తున్నాను. ఇంత మంచి సినిమాకు పని చేయడం ఆనందంగా ఉంది’ అని అన్నారు.
ఇది చిన్న చిత్రం కాదని అర్థమైంది. ఇది చాలా పెద్ద బడ్జెట్‌తో తీసిన పెద్ద సినిమాలా కనిపిస్తోంది. విజువల్స్‌ బాగున్నాయి. ఇలా కొత్త వారితో ఇంత మంచిగా చిత్రాన్ని తీయడం అంటే మామూలు విషయం కాదు. యదుకి ఇది మొదటి సినిమాలా అనిపించడం లేదు. సినిమా కోసం పని చేసిన ప్రతీ ఒక్కరికీ ఆల్‌ ది బెస్ట్‌. నిహారిక మల్టీ టాలెంటెడ్‌. నటిస్తున్నారు.. నిర్మిస్తున్నారు.. షోలు చేస్తున్నారు. ఆమెకు ఈ చిత్రం పెద్ద హిట్‌ అయి, భారీ లాభాల్ని తెచ్చి పెట్టాలి. ఇలాంటి మంచి చిత్రాలు వస్తే ఆడియెన్స్‌ తప్పకుండా ఆదరిస్తారు.. పెద్ద హిట్‌ చేస్తారు.
– సిద్దు జొన్నలగడ్డ