వరుణ్‌ సందేశ్‌ హీరోగా, ఆర్యన్‌ సుభాన్‌ ఎస్‌కె దర్శకత్వంలో జాగతి మూవీ మేకర్స్‌ పతాకంపై బలగం జగదీష్‌ నిర్మిస్తున్న చిత్రం ‘ది కానిస్టేబుల్‌’. ఈ చిత్రంతో మధులిక వారణాసి హీరోయిన్‌గా పరిచయం కానున్నారు. ఈ సినిమా షూటింగ్‌ కంప్లీట్‌ అయ్యింది. ఈ సందర్భంగా హీరో వరుణ్‌ సందేశ్‌ మాట్లాడుతూ, ”సినిమా షూటింగ్‌ అంతా చాలా హాయిగా సాగింది. కానిస్టేబుల్‌ పాత్రలో కొత్త కోణంలో, థ్రిల్లింగ్‌ ఎలిమెంట్స్‌తో త్వరలోనే ప్రేక్షకుల ముందుకు వస్తున్నాను’ అని చెప్పారు. ”కథ, కథనాలు అద్భుతంగా అమరిన చిత్రమిది. పోలీస్‌ పాత్రలో వరుణ్‌ సందేశ్‌ ఆకట్టుకుంటారు. పోస్ట్‌ ప్రొడక్షన్‌ పనులు కూడా శరవేగంగా జరుగుతున్నాయి’ అని నిర్మాత బలగం జగదీష్‌ అన్నారు. దర్శకుడు ఆర్యన్‌ సుభాన్‌ మాట్లాడుతూ, ‘సస్పెన్స్‌, క్రైమ్‌ థ్రిల్లర్‌ చిత్రమిది. ఇందులో వరుణ్‌ సందేశ్‌ నట విశ్వరూపం చూడవచ్చు. త్వరలో పాటలను, మోషన్‌ పోస్టర్‌ను విడుదల చేస్తాం’ అని తెలిపారు. దువ్వాసి మోహన్‌, సూర్య, రవి వర్మ, మురళీధర్‌ గౌడ్‌, బలగం జగదీష్‌, ప్రభావతి, కల్పలత, నిత్య శ్రీ, శ్రీ భవ్య తదితరులు నటిస్తున్న ఈ చిత్రానికి కెమెరా: హజరత్‌ షేక్‌ (వలి), సంగీతం :సుభాష్‌ ఆనంద్‌, ఎడిటింగ్‌: వర ప్రసాద్‌, మాటలు :శ్రీనివాస్‌ తేజ, పాటలు: రామారావు, శ్రీనివాస్‌ తేజ, సహనిర్మాత: బి నికిత జగదీష్‌, కథ, స్క్రీన్‌ ప్లే, దర్శకత్వం :ఆర్యన్‌ సుభాన్‌ ఎస్‌కె.
