కె.టి.కుంజుమోన్‌ జెంటిల్‌మన్‌ ఫిల్మ్‌ ఇంటర్నేషనల్‌ బ్యానర్‌ పై ‘జెంటిల్‌మన్‌-2’ చిత్రాన్ని నిర్మిస్తున్న సంగతి తెలిసిందే. చేతన్‌ హీరోగా నటిస్తున్న ఈ చిత్రానికి ఎ.గోకుల్‌ కష్ణ దర్శకత్వం వహిస్తున్నారు. నయనతార చక్రవర్తి, ప్రియాలాల్‌ కథానాయికలు. చెన్నై పరిసర ప్రాంతాల్లో ఈ సినిమా మొదటి షెడ్యూల్‌ షూటింగ్‌ పూర్తయింది. 15 రోజుల పాటు జరిగిన ఈ షెడ్యూల్‌లో చేతన్‌, నయనతార చక్రవర్తి, ప్రియా లాల్‌, బాడవ గోపి, సుధా రాణి, సితార, శ్రీ లత, కన్మణి, లొల్లు సభ స్వామినాథన్‌, బేబీ పద్మ రాగం, ముల్లై-కోతాండమ్‌లు పాల్గొన్నారు. స్టంట్‌ కొరియోగ్రఫర్‌ దినేష్‌ కాసి సూపర్‌ విజన్‌లో ఓ భారీ యాక్షన్‌ సీక్వెన్స్‌ని చిత్రీకరించారు. ఈ యాక్షన్‌ సీక్వెన్స్‌ మేజర్‌ హైలెట్‌గా ఉండబోతుంది. తదుపరి షెడ్యూల్‌ నవంబర్‌ మూడవ వారంలో ప్రారంభమవుతుంది. ఈ షెడ్యూల్‌ చెన్నై, హైదరాబాద్‌, పాండిచ్చేరిలో గ్రాండ్‌గా చిత్రీకరించనున్నారు. మిగతా షెడ్యూల్‌లను మలేషియా, దుబారు, శ్రీలంకలో చిత్రీకరిస్తారు.
