అధికారి రాడు.. సమస్య తీరదు..?

గ్రామ పంచాయతీల పాలకవర్గల పదవి కాలం రెండు నెలల క్రితం ముగియగా ఇప్పట్లో ఎన్నికలు నిర్వహించే పరిస్థితి లేకపోవడంతో ప్రభుత్వం ప్రత్యేక అధికారులను నియమించింది. జిల్లాలో 23 మండలలో మొత్తం 475 గ్రామ పంచాయతీలుండగా మండలానికి పదిమంది గెజిటెడ్ అధికారులను చొప్పున ప్రత్యేక అధికారులుగా బాధ్యతలు కేటాయించారు. ఈ అధికారులందరూ కూడా వివిధ ప్రభుత్వ శాఖల్లో కీలకమైన అధికారులే.దీంతో అటు మాతృ శాఖకు ఇటు పంచాయతీల విధులు నిర్వర్తిస్తూ సమన్యాయం చేయాల్సి ఉంటుంది.కానీ శాఖ పరమైన పనులతో ఒత్తిడిని ఎదుర్కొంటున్న వీరికి పంచాయతీల అదనపు బాధ్యతలు అప్పగించడంపై ఒత్తిడి ఎదు గురవుతున్నారు. చాలామంది ప్రత్యేక అధికారులు మండలంలో ఇన్చార్జిగానే ఉన్నారు. వీరుకి కేటాయించిన మండలలో వారి బాధ్యత నెరవేర్చి తిరిగి శాఖపరమైన బాధ్యతలు చేపడుతూ, పంచాయతీ అధికారుల బాధ్యత సైతం నెరవేర్చాల్సి ఉంటుంది.ఒక్కొక్కరికి రెండు నుంచి మూడు వరకు పంచాయతీల బాధ్యతలు అప్పజెప్పారు.ఇన్ని శాఖ పరమైన పనులను వారికి అప్పజెప్పడంతో పంచాయతీలలో సరైన పాలన జరగడం లేదని ప్రజలు ఆరోపిస్తున్నారు.ఇప్పటికే చాలా మండలలోని ఉపాధి హామీ పనులలో నిర్లక్ష్యం కనిపిస్తుంది.అలాగే మొక్కల పెంపకంలో కూడా ఆశ్రద్ధ,నీటి ఎద్దడి సైతం ఉంది.గ్రామపంచాయతీ కార్యదర్శులు కూడా సమయపాలనలో నిర్లక్ష్యంగా వ్యవహరిస్తున్నారని గ్రామపంచాయతీలలో ఉదయం ప్రజలకు అందుబాటులో ఉండవలసిన అధికారులు కూడా సమయానికి ప్రజలకు అందుబాటులో ఉండకపోవడంతో ప్రజలు నానా తిప్పలు పడుతున్నారు.మండల కార్యాలయంలో ప్రజలు ఏదైనా అవసరం ఉండి అధికారుల దగ్గరికి వెళ్తే వారు ప్రత్యేక అధికారుల బాధ్యతపరంగా వేరే వేరే గ్రామాలకు వెళ్తున్నారు.దీనివలన ప్రజలకు వారి పనులు కాకపోవడం వలన రోజులకొద్దీ మండలం చుట్టూ తిరుగుతూ ఇబ్బందులకు గురవుతున్నారు. ఈ ప్రభుత్వం అయినా మండలానికి ఇన్చార్జి అధికారులను మార్చి వారి ప్లేస్ లో పర్మినెంట్ అధికారులను నియమిస్తుందో లేదో వేచి చూడాల్సిందేనని ప్రజల్లో అభిప్రాయం వ్యక్తమవుతోంది.