అంగన్వాడీల సమస్యలు తక్షణ పరిష్కరించాలి

– సీఐటీయూ జిల్లా సహాయ కార్యదర్శి చొప్పరి రవికుమార్‌
నవ తెలంగాణ సిద్దిపేట అర్బన్‌
అంగన్వాడీల న్యాయమైన డిమాండ్లను తక్షణమే పరిష్కరించాలని సీఐటీయూ జిల్లా సహాయ కార్యదర్శి చొప్పరి రవికుమార్‌ అన్నారు. మంగళ వారం బీజేఆర్‌ చౌరస్తాలో అంగన్వాడీలు రాస్తారోకో నిర్వహించారు. ఈ సందర్భంగావారు చొప్పరి రవికు మార్‌ మాట్లాడుతూ.. అంగన్వాడి టీచర్స్‌ అండ్‌ హెల్పర్స్‌ వారి సమస్యలు తక్షణమే పరిష్కరించాలని ప్రభుత్వానికి అనేకమార్లు విన్నవించినప్పటికీ ప్రభుత్వం పట్టించుకోలేదని అన్నారు. రాష్ట్ర ముఖ్య మంత్రి ప్రభుత్వ ఉద్యోగులు గుర్తించడానికి టీచర్స్‌ అని ముద్దు పేరు పెట్టారే తప్ప పే స్కేలు, ఉద్యోగ భద్రత, తదితర అంశాలను విస్మరించారు. కేవలం టీచర్‌ అనే తోక తలిగించి అంగన్వాడి టీచర్లతో అనేక పనులు చేసుకుంటూ వెట్టిచాకిరి గురి చేస్తున్నారని అన్నారు. సుప్రీంకోర్టు తీర్పు ప్రకారం సమాన పనికి సమాన వేతనం ఇవ్వాల్సి ఉండగా రాష్ట్ర ప్రభుత్వం వాటిని అమలు చేయడం లేదన్నారు. కార్యక్రమంలో అంగన్వాడి టీచర్స్‌ & హెల్పర్స్‌ యూనియన్‌ జిల్లా కార్యదర్శి ఎం పద్మ, యూనియన్‌ నాయకులు కళావతి, లక్ష్మి, శారద టీచర్‌ ఆయాలు పాల్గొన్నారు.
నవతెలంగాణ-తొగుట: రాష్ట్ర ప్రభుత్వం కనీస వేతనాలు అమలు చేయకుండా అంగన్వాడీ ఉద్యోగులతో వెట్టిచాకిరి చేయించుకుంటుందని అంగన్‌ వాడి యూనియన్‌ జిల్లా కమిటీ సభ్యురాలు వసంత మండి పడ్డారు. మంగళవారం మండలంలోని తహసీల్దార్‌ కార్యా లయం వద్ద 9వ రోజు మోకాళ్ళ పై నిలబడి నిర సన తెలిపారు. సమస్యలు పరిష్కరించకుంటే ఉద్యమాన్ని ఉధృతం చేస్తామని హెచ్చరించారు. కార్యక్రమంలో మాధవి, రాణి, అనిత, రేణుక, జ్యోతి, వీణ, స్వప్న, శ్యామల, దేవమ్మ, శోభ తదితరులు పాల్గొన్నారు.
నవ తెలంగాణ దౌల్తాబాద్‌ : మండల కేంద్రంలో అంగన్వాడీ ఉద్యోగులు 9వ రోజు సమ్మె సందర్భంగా వినూత్నంగా నిరసన తెలిపారు. అనంతరం సిఐటియు అనుబంధ అంగన్వాడీ యూనియన్‌ జిల్లా అధ్యక్షురాలు లక్ష్మి మాట్లాడుతూ మా సమస్యలు ఈ ప్రభుత్వానికి కనపడడం లేదని, వినిపించడం లేదని రాష్ట్ర ప్రభుత్వంపై నిరసన వ్యక్తం చేశారు. ప్రస్తుతం అంగన్వాడీ ఉద్యోగులు రాష్ట్రవ్యాప్తంగా అన్ని జిల్లాలలో పెద్ద ఎత్తున సమ్మె చేస్తున్న ఈ రాష్ట్ర ప్రభుత్వానికి కదలిక లేకపోవడం బాధాకరం అన్నారు. ఇప్పటికైనా న్యాయమైన డిమాండ్లు పరిష్క రించేందుకు రాష్ట్ర ప్రభుత్వం వెంటనే చర్యలు చేప ట్టాలని, లేనిపక్షంలో పోరాటాన్ని మరింత ఉధతం చేసి హక్కులు సాధించుకునే వరకు సమ్మెను కొనసాగిస్తామని హెచ్చరించారు. కార్యక్రమంలో అంగన్వాడి ఉద్యోగులు మంజుల, సువర్ణ, శ్యామల, కల్యాణి, లక్ష్మి, భవాని, భారతీ, నవనీత, రాధిక, అనిత తదితరులు పాల్గొన్నారు.
ప్రభుత్వం మొండి వైఖరి వీడాలి
నవతెలంగాణ దుబ్బాక రూరల్‌
అంగన్వాడీల పట్ల మొండి వైఖరి వీడాలని ఎలక్ట్రిసిటీ ఎంప్లాయిస్‌ యూనియన్‌ జిల్లా ప్రధాన కార్యదర్శి చంద్రరెడ్డి, సీఐటీయూ రాష్ట్ర కార్యవర్గ సభ్యులు జి. భాస్కర్‌ అన్నారు. సిద్దిపేట జిల్లా దుబ్బాక మండల కేంద్రంలోని ఐసిడిఎస్‌ కార్యాలయం ముందు అంగన్వాడి ఉద్యోగుల సమ్మె 9వ రోజు సందర్భంగా వంటవార్పు కార్యక్రమం నిర్వహిస్తూ ప్రభుత్వానికి నిరసన కార్యక్రమం తెలియజేశారు. ఈ సందర్భంగా వారికీ ఎలక్ట్రిసిటీ ఎంప్లాయిస్‌ యూనియన్‌ జిల్లా ప్రధాన కార్యదర్శి చంద్రరెడ్డి మద్దతు తెలిపారు. అనంతరం సిఐటియు రాష్ట్ర కార్యవర్గ సభ్యులు జి భాస్కర్‌ మాట్లాడుతూ గత తొమ్మిది రోజులుగా రాష్ట్రవ్యాప్తంగా అంగన్వాడి ఉద్యోగులు తమ న్యాయమైన డిమాండ్లు పరిష్కరించాలని సమ్మె చేస్తా ఉంటే రాష్ట్ర ప్రభుత్వం స్పందించకుండా మొండిగా వ్యవహరించడం సరైనది కాదని విమర్శించారు. అంగన్వాడి ఉద్యోగులు ప్రభుత్వాలకు ఇటు ప్రజలకు వారధిగా ఉంటూ అనేక రకాల సేవలు అందిస్తున్నారని తెలిపారు కానీ రాష్ట్ర ప్రభుత్వం కనీస వేతనాలు అమలు చేయకుండా అంగన్వాడి ఉద్యోగులచే వెట్టిచాకిరి చేయించుకుంటుందని మండిపడ్డారు కేంద్ర రాష్ట్ర ప్రభుత్వాలు అంగన్వాడీ ఉద్యోగులకు కనీస వేతనం 26 వేల రూపాయలు ,రిటైర్మెంట్‌ బెనిఫిట్‌ ఆయాకు ఐదు లక్షలు టీచర్‌ కు 10 లక్షలు ఇవ్వాలని, అంగన్వాడి ఉద్యోగులను ప్రభుత్వ ఉద్యోగుల గుర్తించాలని రిటైర్‌ అనంతరం వేతనంలో సగం పెన్షన్‌ ఇవ్వాలని సుప్రీంకోర్టు తీర్పును అమలు చేసి వీరి సమస్యలు వెంటనే పరిష్కరించాలని డిమాండ్‌ చేశారు లేనియెడల ఈ సమ్మెను మరింత ఉద్ధతం చేస్తామని హెచ్చరించారు ఈ కార్యక్రమంలో అంగన్వాడి యూనియన్‌ జిల్లా కోశాధికారి పద్మ ,నాగరాణి ,విజయ ,పద్మ, సుమతి ,బాబారు ,లక్ష్మి ,రమ, మంజుల , నసీమ ,పుష్ప, తదితరులు పాల్గొన్నారు.

Related posts: