నవతెలంగాణ బ్యూరో – హైదరాబాద్‌
ఛత్తీస్‌గడ్‌లో ఎన్‌కౌంటర్‌ పేరుతో 36 మందిని పోలీసులు కాల్చిచంపిన మృత్యుకాండను సీపీఐ(ఎంఎల్‌) మాస్‌లైన్‌ ఖండించింది. ఈ మేరకు ఆ పార్టీ రాష్ట్ర కార్యదర్శి పోటు రంగారావు శనివారం ఒక ప్రకటన విడుదల చేశారు. నారాయణపూర్‌ దంతెవాడ సరిహద్దు నేందురు తులతులి అడవుల్లో మావోయిస్టులు సమావేశం అయినట్టు సమాచారంతో కూంబింగ్‌ చేసి ఎన్‌కౌంటర్‌ పేరుతో కాల్చేశారని, ఇది దుర్మార్గపు చర్య అని విమర్శించారు. కేంద్ర హోంమంత్రి అమిత్‌షా ప్రకటించినట్టు కగార్‌ ఆపరేషన్‌ ఎన్‌కౌంటర్‌గా స్పష్టమవుతున్నదని పేర్కొన్నారు. ఈ మధ్యకాలంలో 180 మందికిపైగా బూటకపు ఎన్‌కౌంటర్‌ చేశారని తెలిపారు. చట్టప్రకారం అరెస్టు చేయకుండా, విచారణ ద్వారా శిక్షించకుండా ఇలా చంపడం రాజ్యాంగ వ్యతిరేకమని విమర్శిం చారు. ఈ విధానాన్ని కేంద్ర ప్రభుత్వం మానుకోవాలని డిమాండ్ చేశారు. చట్ట వ్యతిరేక చర్యలను రాజ్యాంగబద్ధంగా శిక్షించాలని కోరారు. రాజ్యం ఇలా మూకుమ్మడి హత్యాకాండకు పూనుకోవడం దుర్మార్గపు చర్య అని విమర్శించారు.
Related posts:
హైడ్రా వంటి వ్యవస్థ కావాలని డిమాండ్ వస్తోంది: మంత్రి సీతక్క
ధియేటర్లో ఫర్నీచర్ ను ధ్వంసం చేసిన ఎన్టీఆర్ ఫ్యాన్స్..
సీఎం రిలీఫ్ ఫండ్ కు రిలయన్స్ ఫౌండేషన్ రూ.20 కోట్ల విరాళం
శ్రీ చైతన్య క్యాంపస్‌లో ఫుడ్ పాయిజన్.. 300 మంది విద్యార్థులకు అస్వస్థత
మూసీ సర్వేను అడ్డుకున్న స్థానికులు.. తీవ్ర ఉద్రిక్తత
రేషన్ కార్డు లేకున్నా ఇందిరమ్మ ఇండ్లు: మంత్రి పొంగులేటి