రాజ్‌ తరుణ్‌ హీరోగా, ఎ ఎస్‌ రవికుమార్‌ చౌదరి దర్శకత్వంలో రూపొందుతున్న చిత్రం ‘తిరగబడరసామీ’. మాల్వి మల్హోత్రా కథానాయికగా నటిస్తోంది. సురక్ష్‌ ఎంటర్‌టైన్‌మెంట్‌ మీడియా బ్యానర్‌ పై మల్కాపురం శివకుమార్‌ నిర్మిస్తున్నారు. ఈ చిత్రం సింహభాగం తెలంగాణ రాష్ట్రంలోని జహీరాబాద్‌లోని సరికొత్త లోకేషన్స్‌లో చిత్రీకరణ జరుపుకుని, షూటింగ్‌ పూర్తి చేసుకుంది. యువతని ఆకట్టుకునే రొమాన్స్‌తో పాటు ఫ్యామిలీని ఆకర్షించే సెంటిమెంట్‌, మాస్‌ని అలరించే హై వోల్టేజ్‌ యాక్షన్‌, ఎమోషనల్‌ ఎలిమెంట్స్‌తో ఈ చిత్రాన్ని రూపొందించారు. ఇప్పటికే విడుదలైన టీజర్‌కు అద్భుతమైన స్పందన వచ్చింది. ఫిబ్రవరి మొదటి వారంలో ఈ చిత్రాన్ని విడుదల చేయడానికి మేకర్స్‌ సన్నాహాలు చేస్తున్నారు.హిందీ బిగ్‌ బాస్‌తో అలరిస్తున్న మన్నరా చోప్రా ఈ చిత్రంలో ఓ విభిన్న పాత్రతో పాటు ప్రత్యేక గీతంతో అలరించనుంది. మకరంద్‌ దేశ్‌పాండే, జాన్‌ విజరు, రఘు బాబు, అంకిత ఠాకూర్‌, పధ్వి, ప్రగతి, రాజా రవీంద్ర, బిత్తిరి సత్తి ఇతర కీలక పాత్రలు పోషించారు. ఈ చిత్రానికి సంగీతం: జెబి, డీవోపీ: జవహర్‌ రెడ్డి యం. ఎన్‌, ఎడిటర్‌: బస్వా పైడిరెడ్డి, ఆర్ట్‌: రవికుమార్‌ గుర్రం, ఫైట్స్‌ – పద్వీ, కార్తీక్‌, లిరిక్స్‌: సుద్దాల అశోక్‌ తేజ, శ్రీమణి.
