హీరో సుధీర్‌ బాబు మోస్ట్‌ ఎవైటెడ్‌ మూవీ ‘హరోం హర’. శ్రీ సుబ్రహ్మణ్యేశ్వర సినిమాస్‌ బ్యానర్‌పై సుమంత్‌ జి నాయుడు నిర్మించిన ఈ ఇంటెన్స్‌ యాక్షన్‌ థ్రిల్లర్‌కి ‘సెహరి’ ఫేమ్‌ జ్ఞానసాగర్‌ ద్వారక దర్శకత్వం వహించారు. ఈనెల 14న ఈ సినిమా గ్రాండ్‌గా విడుదల కానుంది. ఈ నేపథ్యంలో మ్యూజిక్‌ డైరెక్టర్‌ చేతన్‌ భరద్వాజ్‌ మీడియాతో ఈ సినిమా గురించి పలు విశేషాలను షేర్‌ చేసుకున్నారు. ఇన్ని రోజులు చేసిన మూవీస్‌లో ఇలాంటి కైండ్‌ అఫ్‌ కలర్‌ రాలేదు. ఆర్‌ఎక్స్‌ 100లో కూడా రా రస్టిక్‌ కలర్‌ ఉంటుంది. అయితే ఇంత హార్డ్‌ కోర్‌ యాక్షన్‌ డ్రివెన్‌ ఉన్న మూవీ చేయడం ఇదే ఫస్ట్‌ టైం. ఇదే నా స్ట్రెంత్‌. ఇందులో యాక్షన్‌తో పాటు కోర్‌ ఎమోషన్స్‌ ఉంటాయి. ఎమోషనల్‌ మ్యూజిక్‌ చేయడానికి కూడా స్కోప్‌ దొరికింది. మంచి విజువల్‌ ఎక్స్‌పీరియన్స్‌ ఇచ్చే చాలా పెక్యులర్‌ జోనర్‌ ఇది. సౌండ్‌ పంచ్‌ ఆడియన్స్‌కి మంచి థియేట్రికల్‌ ఎక్స్‌పీరియన్స్‌ ఇస్తుంది. చాలా గూస్‌బంప్స్‌ మూమెంట్స్‌ ఉన్నాయి. 1989లో జరిగే కథ ఇది. ఇప్పుడున్న యూత్‌కు అప్పుడున్న ఓ జీవితాన్ని ప్రజెంట్‌ చేస్తున్నారు డైరెక్టర్‌. ఆ రెట్రో కల్చర్‌ని ఇన్‌కార్పరేట్‌ చేస్తూ మ్యాసీ అటెంప్ట్‌ ఇందులో చేశాం. డెఫినెట్లీ ఇది ఠఫ్‌ జాబ్‌. అయితే నాకు మొదటి నుంచి ఛాలెంజస్‌ ఇష్టం. దీన్ని కూడా ఒక ఛాలెంజ్‌ తీసుకొని చేశాను. నాకు రెట్రో జోనర్‌ ఇష్టం. ఆడియన్స్‌ థియేటర్స్‌లో చాలా ఎంజారు చేశారు. సినిమా మేము అనుకున్నట్లు వచ్చింది. సుధీర్‌ బాబు, డైరెక్టర్‌, అందరూ చాలా హ్యాపీగా ఉన్నారు. ఇందులో విజువల్స్‌ చాలా గ్రాండ్‌గా ఉంటాయి. విజువల్‌కి తగ్గట్టే మ్యూజిక్‌ కూడా చాలా గ్రాండియర్‌గా చేశాం. సౌండ్‌ డిజైన్‌ అద్భుతంగా ఉంటుంది. కొత్తగా మ్యాసీవ్‌గా చేయాలని ముందే డిసైడ్‌ అయ్యాం. సౌత్‌ ఇండియన్‌ నాటు కలర్‌ని స్టయిలీష్‌ డ్రివెన్‌గా పట్టుకెళ్ళడం ఛాలెంజింగ్‌గా అనిపించింది. ఇప్పటి వరకూ విడుదలైన పాటలకు మంచి రెస్పాన్స్‌ వచ్చింది. నెక్స్ట్‌ రాబోతున్న సాంగ్స్‌ ఎమోషన్స్‌తో లింక్‌ అప్‌ అయ్యే సాంగ్స్‌. అందులో ఎమోషన్‌ ఎక్కువగా ఉంటుంది. ‘హరోం హర’ పాటని కళ్యాణ్‌ చక్రవర్తి అద్భుతంగా రాశారు. ఆలాగే నారిని విడిచే పాట రాబోతుంది. ఈ పాటకు కూడా ఆయనే లిరిక్స్‌ రాశారు. కనులెందుకో పాట వెంగీ చాలా ఛాలెంజింగ్‌గా రాశారు. భరద్వాజ్‌, హర్ష చెరో పాట రాశారు. ఈ రెండు పాటలు కూడా వండర్‌ఫుల్‌గా వచ్చాయి. సినిమా కచ్చితంగా అందర్నీ అలరిస్తుంది.
