కన్నడ కథానాయకుడు శివరాజ్‌ కుమార్‌ తెలుగు ప్రేక్షకులకు బాగా సుపరిచితుడు. ఆయన సతీమణి గీతా శివ రాజ్‌కుమార్‌ పుట్టినరోజు సందర్భంగా శివ రాజ్‌కుమార్‌ నెక్స్ట్‌ మూవీని అఫీషియల్‌గా అనౌన్స్‌ చేశారు. ఆయన కన్నడ, తెలుగు భాషల్లో ఓ సినిమా చేయనున్నారు. ఈ బైలింగ్వల్‌ ఫిల్మ్‌ని కార్తీక్‌ అద్వైత్‌ దర్శకత్వంలో పద్మజ ఫిలింస్‌ ఇండియా ప్రైవేట్‌ లిమిటెడ్‌ సమర్పణలో భువనేశ్వరి పిక్చర్స్‌ బ్యానర్‌పై ఎస్‌ఎన్‌ రెడ్డి, సుధీర్‌ పి నిర్మిస్తున్నారు. శివరాజ్‌ కుమార్‌ని కంప్లీట్‌ కొత్త లుక్‌, క్యారెక్టర్‌లో ప్రజెంట్‌ చేసే ఈ మూవీపై అభిమానులలో భారీ అంచనాలు ఉన్నాయి. స్క్రిప్ట్‌ వర్క్‌ పూర్తయింది. ఇప్పటికే మ్యూజిక్‌ కంపోజిషన్‌ జరుగుతోంది. అఫీషియల్‌ లాంచ్‌ వేడుక ఆగస్ట్‌లో ఉంటుంది. తెలుగు చిత్ర పరిశ్రమలో విజయవంతమైన చిత్రాలతో మంచి పేరు తెచ్చుకున్న నిర్మాత ఎస్‌ఎన్‌రెడ్డి ఈ బైలింగ్వల్‌ వెంచర్‌ కోసం సుధీర్‌ పి.తో కొలబరేట్‌ అవుతున్నారు. ఎస్‌ఎన్‌రెడ్డి రీసెంట్‌ ప్రాజెక్ట్‌ ‘జీబ్రా’ తెలుగు, కన్నడ రెండింటిలోనూ విడుదల కానుంది.
