‘సరిపోదా శనివారం’ మేకర్స్‌ ఇప్పటివరకు రిలీజ్‌ చేసిన ప్రతి ప్రమోషనల్‌ మెటీరియల్‌ సూర్య అకా హీరో నానిని ఎగ్రెసివ్‌ కుర్రాడిగా ప్రజెంట్‌ చేసింది. అయితే తను శనివారాల్లో మాత్రం వైలెంట్‌గా ఉంటాడు. మిగతా రోజులలో సూర్య కొత్త డైమెన్షన్‌ని ప్రెజెంట్‌ చేస్తూ సెకండ్‌ లుక్‌ను రిలీజ్‌ చేశారు. నాని ఈ పోస్టర్‌లో బారు- నెక్స్ట్‌-డోర్‌ అవతార్‌లో బైక్‌ నడుపుతూ చిరు నవ్వుతో కనిపించారు. ఫస్ట్‌ లుక్‌ పోస్టర్‌, టీజర్‌, ఫస్ట్‌ సింగిల్‌లో సూర్య కనిపించిన తీరుకు ఇది కంప్లీట్‌ డిఫరెంట్‌గా ఉంది. ఈ యూనిక్‌ అడ్రి నలిన్‌తో నిండిన అడ్వంచర్‌లో క్యారెక్టర్‌కి డిఫరెంట్‌ షేడ్స్‌ ఉన్నాయి. వివేక్‌ ఆత్రేయ దర్శకత్వం వహిస్తున్న ఈ సినిమా షూటింగ్‌ చివరిదశకు చేరుకుంది. డివివి ఎంటర్‌టైన్‌మెంట్‌ బ్యానర్‌పై డివివి దానయ్య, కళ్యాణ్ దాసరి హై బడ్జెట్‌, భారీ కాన్వాస్‌తో నిర్మించిన ఈ చిత్రంలో ప్రియాంక మోహన్‌ హీరోయిన్‌ నటిస్తుండగా, ఎస్‌జె సూర్య కీలక పాత్రలో కనిపించనున్నారు. ఈ పాన్‌ ఇండియా చిత్రం ఆగస్టు 29న తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.
