శివ కందుకూరి హీరోగా రూపొందిన యూనిక్‌ క్రైమ్‌ థ్రిల్లర్‌ ‘భూతద్ధం భాస్కర్‌ నారాయణ’. స్నేహాల్‌, శశిధర్‌, కార్తీక్‌ నిర్మించిన ఈ సినిమాకి పురుషోత్తం రాజ్‌ దర్శకత్వం వహిస్తున్నారు. డిఫరెంట్‌ కంటెంట్‌ కాన్సెప్ట్‌తో రూపొందిన ఈ సస్పెన్స్‌ థ్రిల్లర్‌ మార్చి 1న విడుదల కానుంది. ఈ నేపథ్యంలో నిర్మాతలు స్నేహాల్‌, శశిధర్‌ మీడియాతో మాట్లాడుతూ, ‘2014లో షీష్‌మహల్‌ అనే ఇండిపెండెంట్‌ సినిమా చేశాం. 2020లో ‘నీతో’ అనే సినిమా చేశాం. 2022లో ‘భూతద్ధం భాస్కర్‌ నారాయణ’ కథ విన్నాం. స్క్రిప్ట్‌ అద్భుతంగా అనిపించింది. సినిమాని ఎక్కడా రాజీపడకుండా మంచి క్యాలిటీతో నిర్మించాం. అవుట్‌ ఫుట్‌ బాగా వచ్చింది. టీజర్‌, ట్రైలర్‌, పాటలు చాలా మంచి బజ్‌ని క్రియేట్‌ చేయడం ఆనందంగా ఉంది. ఇదొక డిటెక్టీవ్‌ థ్రిల్లర్‌. దర్శకుడు ఈ కథని చాలా కొత్తగా తీశారు. డిటెక్టివ్‌ కథని పురాణాలతో ముడిపెట్టిన విధానం ప్రేక్షకులకు చాలా థ్రిల్లింగ్‌ ఎక్స్‌పీరియన్స్‌ ఇస్తుంది. ఇందులో ఇన్వెస్ట్‌గేషన్‌ చాలా ఆసక్తిగా ఉంటుంది. మంచి కంటెంట్‌ ఉన్న సినిమా ఇది. ప్రేక్షకులకు ఖచ్చితంగా నచ్చుతుందనే నమ్మకం ఉంది. డిటెక్టీవ్‌ పాత్రలో శివ కందుకూరి అద్భుతంగా చేశారు. ఇందులో డిటెక్టీవ్‌ రోల్‌ రెగ్యులర్‌కి భిన్నంగా ఉంటుంది. శివ కందుకూరి ఈ పాత్రకు యాప్ట్‌. చాలా సహజంగా ఆ పాత్రలో ఒదిగిపోయారు. అలాగే హీరోయిన్‌ రాశి సింగ్‌ కూడా చాలా హార్డ్‌ వర్క్‌ చేసింది. బిజినెస్‌ పరంగా చాలా హ్యాపీగా ఉన్నాం. ఓవర్సిస్‌, ఓటీటీ బిజినెస్‌ క్లోజ్‌ అయ్యింది. పురుషోత్తం రాజ్‌ మంచి విజన్‌ ఉన్న దర్శకుడు. చాలా మంచి కథతో వచ్చారు. ఇందులో కథే హీరో. ఇప్పటివరకూ ఇలాంటి కథని చూసి ఉండరు. ప్రతి ఇంటిముందు దిష్టి బొమ్మ వుంటుంది. దాని వెనుక ఉన్న కథ ఏమిటి?, దీనికి ఒక ఫాంటసీ ఎలిమెంట్‌ని జోడించి ఈ కథని చాలా అద్భుతంగా తీశారు. శ్రీచరణ్‌ మంచి సంగీతం అందించారు. ఆయన అందించిన బిజీఎం మామూలుగా వుండదు. బీజీఎంని ప్రేక్షకులకు చాలా ఎంజారు చేస్తారు. అన్ని వర్గాల ప్రేక్షకులు ఎంజారు చేసేలా ఈ సినిమాని నిర్మించినందుకు గర్వంగా ఉంది’ అని తెలిపారు.
