ప్రభుత్వ భూముల సర్వే పకడ్బందీగా నిర్వహించాలి

The survey of government lands should be conducted in an armed manner– పెద్దపల్లి  జిల్లా కలెక్టర్ కోయ శ్రీ హర్ష
– అంగన్వాడీ కేంద్రాలలో అవసరమైన మౌలిక వసతులు కల్పించాలి
నవతెలంగాణ – ధర్మారం
మండలంలో జరుగుతున్న ప్రభుత్వ భూముల సర్వే సంబంధిత అధికారులు పకడ్బందీగా నిర్వహించాలని పెద్దపల్లి జిల్లా కలెక్టర్ కోయ శ్రీ హర్ష ఆదేశించారు మండల కేంద్రంలో బుధవారం రోజున రోజు పెద్దపల్లి జిల్లా కలెక్టర్ కోయ శ్రీ హర్ష   పర్యటించారు. మండల కేంద్రంలోని తహసిల్దార్ కార్యాలయం, ఎంపీడీవో కార్యాలయం, ఏపిఎం కార్యాలయాలను కలెక్టర్ పరిశీలించి సంబంధిత అధికారులతో సమీక్ష నిర్వహించారు.  మండలంలో తహసిల్దార్ కార్యాలయంలో జరుగుతున్న రిన్నోవేషన్ పనులను కలెక్టర్ పరిశీలించి అధికారులకు పలు సూచనలు చేశారు ఈ సందర్భంగా జిల్లా కలెక్టర్ కోయ శ్రీ హర్ష మాట్లాడుతూ మండలంలో చేపట్టిన ప్రభుత్వ భూముల సర్వే ప్రక్రియ పకడ్బందీగా నిర్వహించాలని అధికారులను ఆదేశించారు. ప్రస్తుతం ఖిలావనపర్తి  లోని  ప్రభుత్వభూములను  సర్వే  చేసి  శనివారం వరకుఅందించాలని అనంతరం  బొమ్మ రెడ్డిపల్లి గ్రామంలో ప్రభుత్వ భూముల సర్వే ప్రారంభించాలని కలెక్టర్ ఆదేశించారు మండలంలోని కోర్టు కేసులు, ధరణి పెండింగ్ దరఖాస్తుల పరిష్కారానికి అధికారులు ప్రణాళిక బద్ధంగా కృషి చేయాలని కలెక్టర్ తెలిపారు అనంతరం ఎంపీడీవో కార్యాలయంలో మండల పరిధిలోని అంగన్వాడీకేంద్రాలలో త్రాగునీటి సౌకర్యం, విద్యుత్ సౌకర్యం, ఇతర మౌలిక వసతులు ఉండేలా చూడాలని లేనిపక్షంలో అవసరమైన ప్రతిపాదనలు సమర్పించాలని కలెక్టర్ తెలిపారు. ధర్మారంలోని ఏపీఎం కేంద్రాన్ని పరిశీలించిన కలెక్టర్ అధికారులకు పలు సూచనలు చేశారు అనంతరం ప్రాథమిక ఆరోగ్య కేంద్రం నిర్మించడానికి గుర్తించిన భూమిని కలెక్టర్ పరిశీలించారు క్షేత్రస్థాయిలో పనులు ప్రారంభించి ప్రభుత్వం నిర్దేశించిన గడువులోగా ఆరోగ్య కేంద్ర నిర్మాణ పనులు పూర్తి చేయాలని కలెక్టర్ అధికారులను ఆదేశించారు ఈ  పర్యటనలో జిల్లా కలెక్టర్ వెంట పెద్దపల్లి రెవెన్యూ డివిజన్ అధికారి బి.గంగయ్య, మండల తహసిల్దార్ మొహమ్మద్ ఆరిఫ్, ఎంపీడీవో ఐ  ప్రవీణ్ కుమార్, మండల పంచాయతీ అధికారి కె రమేష్, ఏపిఎం తులసీ మాత, ఏపిఓ రవి, సంబంధిత అధికారులు, తదితరులు పాల్గొన్నారు.