శివ కందుకూరి హీరోగా ‘భూతద్ధం భాస్కర్‌ నారాయణ’ సినిమా రూపొందుతోంది. స్నేహాల్‌ జంగాల, శశిధర్‌, కార్తీక్‌ నిర్మించిన ఈ సినిమాకి పురుషోత్తం రాజ్‌ దర్శకత్వం వహిస్తున్నారు. క్రైమ్‌ థ్రిల్లర్‌ నేపథ్యంలో రూపొందిన ఈ సినిమా నుంచి ఇప్పటికే విడుదలైన ప్రమోషనల్‌ కంటెంట్‌కు చాలా మంచి రెస్పాన్స్‌ వచ్చింది. థ్రిల్లింగ్‌ ఎలిమెంట్స్‌తో టీజర్‌ ప్రేక్షకుల్లో మరింత క్యురియాసిటీ పెంచింది. శ్రీచరణ్‌ పాకాల సంగీతం అందిస్తున్న ఈ చిత్రం నుంచి టైటిల్‌ సాంగ్‌ని తాజాగా మేకర్స్‌ రిలీజ్‌ చేశారు. శ్రీచరణ్‌ పాకాల స్వరపరిచి, స్వయంగా పాడిన ఈ పాట చాలా క్యాచీగా ఉంది. పురుషోత్తం రాజ్‌, సురేష్‌ బనిశెట్టి రాసిన లిరిక్స్‌ హీరో క్యారెక్టరైజేషన్‌ని ఆకట్టుకునేలా ప్రజెంట్‌ చేశాయి. పాటలో విజువల్స్‌ చాలా ఎట్రాక్టీవ్‌గా ఉన్నాయి. రాశి సింగ్‌ కథానాయికగా నటించిన ఈ చిత్రంలో అరుణ్‌ కుమార్‌, దేవి ప్రసాద్‌, వర్షిణి సౌందరరాజన్‌, శివ కుమార్‌, షఫీ, శివన్నారాయణ, కల్పలత ఇతర కీలక పాత్రలు పోషించారు. ఫిబ్రవరిలో ఈ చిత్రాన్ని విడుదల చేయడానికి మేకర్స్‌ సన్నాహాలు చేస్తున్నారు.
