హీరో సుధీర్‌ బాబు నటిస్తున్న పాన్‌ ఇండియా చిత్రం ‘హరోం హర’ విడుదలకు సిద్ధమవుతోంది. సెహరి ఫేమ్‌ జ్ఞానసాగర్‌ ద్వారక దర్శకత్వంలో ఎస్‌ఎస్‌సి (శ్రీ సుబ్రహ్మ ణ్యేశ్వర సినిమాస్‌) బ్యానర్‌పై సుమంత్‌ జి నాయుడు నిర్మించిన ఈ చిత్రం నుంచి ఫస్ట్‌ సింగిల్‌- హరోం హరను విడుదల చేయడంతో మ్యూజిక్‌ ప్రమోషన్‌ని ప్రారంభించారు. చైతన్‌ భరద్వాజ్‌ స్కోర్‌ చేసిన ఈ ఎనర్జిటిక్‌ నెంబర్‌ దైవిక శక్తి అనుభూతి అందిస్తోంది. ఇది ఓ ఫెరోషియస్‌ హీరో అద్భుత కథ. కళ్యాణ్‌ చక్రవర్తి త్రిపురనేని ఈ పాటకు పవర్‌ ఫుల్‌ లిరిక్స్‌ రాశారు. అనురాగ్‌ కులకర్ణి డైనమిక్‌ వాయిస్‌తో ఆకట్టు కున్నారు. స్వరకర్త చైతన్‌ భరద్వాజ్‌ స్వయంగా ఎడిషనల్‌ వోకల్స్‌ అందించారు. పాటలో సుధీర్‌ బాబు బ్రూటల్‌గా కనిపించారు. విజువల్స్‌ టాప్‌-నాచ్‌గా ఉన్నాయి. ఈ సినిమాలో సుధీర్‌ బాబుకు జోడిగా నటిస్తున్న మాళవిక శర్మ కూడా ఈ పాటలో కనిపించింది. కంపోజిషన్‌, లిరిక్స్‌, వోకల్స్‌, విజువల్స్‌ అన్నీ అద్భుతంగా ఉన్న ఈ ట్రాక్‌ చార్ట్‌బస్టర్‌గా అలరిస్తుందని చెప్పడంలో ఎలాంటి సందేశం లేదు. చిత్తూరు జిల్లా కుప్పంలో 1989 నాటి నేపథ్యంలో సాగే ఈ కథలో సుధీర్‌ బాబు కుప్పం యాసలో డైలాగులు చెప్పనున్నారు. భారీ బడ్జెట్‌తో రూపొందుతున్న ఈ చిత్రానికి ది రివోల్ట్‌ అనేది ట్యాగ్‌ లైన్‌. తెలుగు, తమిళం, కన్నడ, మలయాళం, హిందీ భాషల్లో ఈ సినిమా విడుదల కానుంది అని చిత్ర బృందం తెలిపింది.
