సీఎంని మెప్పించిన ట్రైలర్‌

సీఎంని మెప్పించిన ట్రైలర్‌రెగ్యులర్‌ మాస్‌ మసాలా కమర్షియల్‌ అంశాలే కాకుండా మన నేటివిటీని, మన ఆచార సంప్రదాయాల్ని చూపించే చిత్రాలు ఇప్పుడు ఎక్కువగా రావడం లేదు. కానీ మన ఆచార, సంప్రదాయాలు, మన సంస్కతిని చాటేలా, మన ఇతిహాసగాథలైన రామాయణం నుంచి ప్రేరణ పొంది ‘సీతా కళ్యాణ వైభోగమే’ అనే సినిమాను సతీష్‌ పరమవేద తెరకెక్కించారు.
సుమన్‌ తేజ్‌, గరీమహొచౌహన్‌ హీరో, హీరోయిన్లుగా డ్రీమ్‌ గేట్‌ ప్రొడక్షన్స్‌ పతాకంపై రాచాల యుగంధర్‌ ఈ చిత్రాన్ని నిర్మించారు. ఇప్పటికే ఈ చిత్రం నుంచి విడుదలైన పాటలు, టీజర్‌, ట్రైలర్‌ ఇలా అన్నీ కూడా అందరినీ ఆకట్టుకున్నాయి. ఇక ఈ చిత్రం ఈనెల 21న భారీ ఎత్తున విడుదలకు సిద్దం అవుతోంది. ఈ సందర్భంగా ముఖ్యమంత్రి రేవంత్‌ రెడ్డికి చిత్ర టీజర్‌, ట్రైలర్‌ను మేకర్స్‌ చూపించారు. ట్రైలర్‌ను వీక్షించిన ఆనంతరం చిత్రయూనిట్‌ను ప్రత్యేకంగా నిర్మాతను సీఎం రేవంత్‌ రెడ్డి అభినందించారు. ట్రైలర్‌, పాటలు చాలా బాగున్నాయని, సినిమా పెద్ద హిట్‌ అవ్వాలని, యూనిట్‌కు మంచి పేరు రావాలని ఆకాంక్షించారు. ముఖ్యమంత్రిని కలిసిన వారిలో వనపర్తి ఎమ్మెల్యే మేఘారెడ్డి, నిర్మాత రాచాల యుగంధర్‌, డైరెక్టర్‌ సతీష్‌, నీరూస్‌ ప్రతినిధి అసీమ్‌, నటీనటులు సుమన్‌ తేజ్‌, గరీమ చౌహాన్‌, గగన్‌ విహారి కెమెరామెన్‌ పరశురామ్‌ తదితరులు ఉన్నారు. ‘మా చిత్ర ట్రైలర్‌, పాటలను చూసి ముఖ్యమంత్రి రేవంత్‌రెడ్డి చాలా బాగున్నాయని, సినిమా హిట్‌ కావాలని కోరుకోవడం ఆనందంగా ఉంది’ అని మేకర్స్‌ అన్నారు.