దారిలో
నడిచే పాదాలు
అలవాటు పడ్డాయి.
మెదళ్ళని,
కొన్ని ప్రశ్నలను వదిలేసి
లోకంతోనే సర్దుకొని పోతున్నాయి.
అందరూ నడుస్తున్నారు
ముందుకెళ్లాలని!
కొందరిని నెట్టేస్తూ, కొందరిని తొక్కేస్తూ
ఇంతకీ ఈ దారి
గమ్యం ఎంత వరకు
ఈ గమనం దేని కొరకు
దారికిరువైపుల
మూగబోయిన హృదయాలు
వారు నిస్సహాయ బాధితులు.
నిత్యం అసహనంగా
కన్నీళ్ళపాట పాడుకుంటారు.
కానీ వినే వారే లేరు.
ఈ దారి
ఒకప్పుడు ముళ్ళ దారి
నేడు గతుకుల దారి
ఇక్కడ ముందుకెళ్లే వారే కానీ
రేపటి తరాన్ని కదిలించి
నడిపించే వారెక్కడా!
ఏ దారుల్లో
రాజ్యం వెళ్తుందో
గమనించు ..
నేడు కనుగొని
కనీసం కొన్ని పాదాలను కదిలించు.
– రామ్‌ పెరుమాండ్ల, 9542265831
