నవతెలంగాణ బ్యూరో – హైదరాబాద్‌
రాష్ట్రంలో హౌరాహౌరీగా జరిగిన ఎన్నికల్లో 15 మంది డాక్టర్లు విజయం సాధించారు. వీరిలో 11 మంది కాంగ్రెస్‌ నుంచి గెలుపొందగా, ఒకరు బీజేపీ, ముగ్గురు బీఆర్‌ఎస్‌ నుంచి విజయం సాధించారు. వారిలో కాంగ్రెస్‌ అభ్యర్థులు డాక్టర్‌ రామ్‌ చందర్‌ నాయక్‌ (డోర్నకల్‌), డాక్టర్‌ వంశీ కృష్ణ (అచ్చంపేట), డాక్టర్‌ మురళీ నాయక్‌ (మహబూబాబాద్‌), డాక్టర్‌ సత్యనారాయణ (మానకొండూరు), డాక్టర్‌ మైనంపల్లి రోహిత్‌ (మెదక్‌), డాక్టర్‌ పర్ణిక రెడ్డి (నారాయణపేట్‌), డాక్టర్‌ సంజీవ రెడ్డి (నారాయణఖేడ్‌), డాక్టర్‌ వివేక్‌ వెంకటస్వామి (చెన్నూరు), డాక్టర్‌ కూచుకుళ్ల రాజేశ్‌ రెడ్డి (నాగర్‌ కర్నూల్‌), డాక్టర్‌ భూపతి రెడ్డి (నిజామాబాద్‌ రూరల్‌), డాక్టర్‌ రాగమయి (సత్తుపల్లి) ఉన్నారు. బీఆర్‌ఎస్‌ నుంచి డాక్టర్‌ తెల్లం వెంకట్రావు (భద్రాచలం), డాక్టర్‌ కల్వకుంట్ల సంజరు (కోరుట్ల), డాక్టర్‌ సంజరు (జగిత్యాల), బీజేపీ నుంచి డాక్టర్‌ పాల్వాయి హరీశ్‌ (సిర్పూర్‌) విజయాన్ని సాధించారు. 119 అసెంబ్లీ నియోజకవర్గాలకు గానూ 15 అసెంబ్లీ నియోజకవర్గాల్లో గెలిచిన అభ్యర్థులు వత్తిరీత్యా డాక్టర్లు కావడం విశేషం. మొత్తం అసెంబ్లీలోనే 17.85 శాతంగా ఉండటం గమనార్హం.
