తన కామెడి సీన్స్‌ తో ప్రేక్షకుల్ని ఎంతగానో అలరిస్తున్నాడు అభినవ్‌ గోమటం. కామెడీ పరంగా ఒక యునిక్‌ బేస్‌ని ‘ఈ నగరానికి ఏమైంది’ సినిమా ద్వారా క్రియేట్‌ చేసుకున్నాడు. ఆ తరువాత ‘మీకు మాత్రమే చెప్తాను’ సినిమాలో కూడా తనదైన మార్క్‌తో అలరించాడు. ఓటీటీలో రిలీజ్‌ అయిన ‘సేవ్‌ ది టైగర్స్‌’ వెబ్‌ సిరీస్‌లో కూడా తన సత్తాను చాటుకున్నాడు.. ప్రస్తుతం ‘మస్తు షేర్స్‌ ఉన్నారు రా’ అనే రొమాంటిక్‌ కామెడీ చిత్రం ద్వారా ప్రేక్షకుల ముందుకు హీరోగా రానున్నాడు. ఈ చిత్రంలోని మొదటి పాట ఆదివారం రిలీజ్‌ అయింది.. ‘హలో అమ్మాయి…’ అనే ఈ పాటలో మెలోడీతో పాటు సాహిత్యం కూడా అద్భుతంగా ఉంది. ఈ పాటకు కిట్టు విస్సా ప్రగడ లిరిక్స్‌ రాశారు.. టి సంజీవ్‌ అద్భుతమైన మ్యూజిక్‌ని అందించారు. సిద్‌ శ్రీరామ్‌ గానంతో ఈ పాటకే అందం వచ్చిందని చెప్పొచ్చు. ఈ చిత్రం మొత్తం హీరో తన ప్రేయసి చుట్టు తిరుగుతూ తన ప్రేమ తాలూకా భావాన్ని వ్యక్తపరుస్తూ ఉంటాడు. హీరోయిన్‌ పాత్రలో వైశాలి రాజ్‌ నటించారు. ఈ పాటలో అభినవ్‌ గోమటం, వైశాలి రాజ్‌ ఇద్దరూ ఫీల్‌ గుడ్‌ రొమాన్స్‌ని పండించారు. కాసుల క్రియేటివ్‌ వర్క్స్‌ బ్యానర్‌ పైన వచ్చిన ఈ చిత్రాన్ని తిరుపతిరావు డైరెక్షన్‌ చేయగా, భవాని కాసుల, అరీం రెడ్డి, ప్రశాంతి వి ప్రొడ్యూస్‌ చేశారు.. ‘పులిమేర 2’ చిత్రం ద్వారా వంశీ నందిపాటికి ప్రొడ్యూసర్‌, డిస్ట్రిబ్యూటర్‌గా మంచి పేరు వచ్చింది, ఈ చిత్రాన్ని కూడా ఆయన ప్రపంచవ్యాప్తంగా ఫిబ్రవరి 23న రిలీజ్‌ చేయబోతున్నారు. అలీ రాజా, మోయిన్‌, నిజాల్‌ గల్‌ రవి, ఆనంద్‌ చక్రపాణి, తరుణ్‌ భాస్కర్‌, రవీందర్‌ రెడ్డి, లావణ్య రెడ్డి, జ్యోతి రెడ్డి, సూర్య, రాకెట్‌ రాఘవ, శ్వేత అవస్తి, సాయి కష్ణ, ఫణి చంద్రశేఖర్‌ నటిస్తున్న ఈ చిత్రానికి రచయిత – అన్వర్‌ సాదిక్‌, డైలాగ్స్‌ – రాధా మోహన్‌ గుంటి, డైరెక్టర్‌ ఆఫ్‌ ఫోటోగ్రఫీ – సిద్ధార్థ్‌ స్వయంభు, ప్రొడక్షన్‌ డిజైనర్‌ – సర్వనన్‌ వాసంత్‌, మ్యూజిక్‌ డైరెక్టర్‌ – సంజీవ్‌ టీ, బ్యాగ్రౌండ్‌ మ్యూజిక్‌ – శామ్యూల్‌ అభి, ఎడిటర్‌ – రవితేజ గిరిజాల.
