తస్సాదియ్యా.. సందడి షురూ

Tassadiyya.. there is a lot of noiseవరుణ్‌ తేజ్‌ మోస్ట్‌ అవైటెడ్‌ ఫిల్మ్‌ ‘మట్కా’ నవంబర్‌ 14న థియేటర్లలోకి రానుంది. కరుణ కుమార్‌ దర్శకత్వంలో వైర ఎంటర్‌టైన్‌మెంట్స్‌, ఎస్‌ఆర్‌టీ ఎంటర్‌టైన్‌మెంట్స్‌పై డాక్టర్‌ విజయేందర్‌ రెడ్డి తీగల, రజనీ తాళ్లూరి నిర్మిస్తున్నారు. ఈ మూవీ టీజర్‌, ఫస్ట్‌ సింగిల్‌ ఇప్పటికే హ్యూజ్‌ బజ్‌ క్రియేట్‌ చేశాయి. జీవీ ప్రకాష్‌ కుమార్‌ అందిస్తున్న మ్యూజిక్‌ ఈ సినిమాకి వన్‌ అఫ్‌ ది మేజర్‌ హైలెట్‌. తాజాగా విడుదల చేసిన సెకండ్‌ సింగిల్‌- తస్సాదియ్యా దీనికి నిదర్శనం. ఇప్పటికే ఫస్ట్‌ సింగిల్‌ చార్ట్‌బస్టర్‌గా నిలిచింది. రెట్రో బీట్స్‌, పవర్‌ ఫుల్‌ కంపోజిషన్‌తో వచ్చిన సెకండ్‌ సింగిల్‌ తస్సాదియ్యా ఇన్‌స్టంట్‌ హిట్‌గా అలరించింది. భాస్కరభట్ల రాసిన లిరిక్స్‌ వింటేజ్‌ టైమ్స్‌లో లైఫ్‌ ఎసెన్స్‌ని ప్రజెంట్‌ చేస్తోంది. మనో లైవ్లీ వోకల్స్‌ పదాలకు జీవం పోశాయి. వరుణ్‌ తేజ్‌ ఈ పాటలో ఎనర్జిటిక్‌గా కనిపించారు, స్పాట్‌-ఆన్‌ స్టైలింగ్‌తో అదరగొట్టారు. వరుణ్‌ తేజ్‌ డ్యాన్స్‌ మూమెంట్స్‌ కన్నులవిందుగా ఉన్నాయి. నోస్టాల్జియా అండ్‌ రిఫ్రెష్‌ వైబ్‌తో పాట అదిరిపోయింది అని చిత్ర యూనిట్‌ తెలిపింది. ‘ఇప్పటివరకు వరుణ్‌తేజ్‌ చేసిన చిత్రాలతో పోలిస్తే ఈ సినిమా చాలా వైవిధ్యంగా ఉంటుంది. అలాగే ఆయన పోషించిన పాత్రలతోనూ ఈ సినిమాలోని పాత్ర చాలా వినూత్నంగా ఉంటుంది. నాలుగు భిన్న గెటప్స్‌తో ఆయన అలరించనున్నారు. ఓ సరికొత్త బ్యాక్‌డ్రాప్‌లో తెరకెక్కుతున్న ఈ సినిమా అటు ప్రేక్షకులను, ఇటు వరుణ్‌తేజ్‌ అభిమానులను ఎట్టి పరిస్థితుల్లోనూ నిరాశపర్చదనే నమ్మకాన్ని మేకర్స్‌ వ్యక్తం చేస్తున్నారు. ఈ సినిమాలో మీనాక్షి చౌదరి, నోరా ఫతేహీ హీరోయిన్లుగా నటిస్తున్నారు. నవీన్‌ చంద్ర, అజరు ఘోష్‌, కన్నడ కిషోర్‌, రవీంద్ర విజరు, పి రవి శంకర్‌ ఇతర ముఖ్య పాత్రలు పోషిస్తున్నారు. ఈ చిత్రానికి కథ, స్క్రీన్‌ప్లే, మాటలు, దర్శకత్వం: కరుణ కుమార్‌, నిర్మాతలు: డాక్టర్‌ విజయేందర్‌ రెడ్డి తీగల, రజనీ తాళ్లూరి, సంగీతం: జివి ప్రకాష్‌ కుమార్‌, డీవోపీ: ఎ కిషోర్‌ కుమార్‌, ఎడిటర్‌: కార్తీక శ్రీనివాస్‌ ఆర్‌, సీఈఓ: ఈవీవీ సతీష్‌, ఎగ్జిక్యూటివ్‌ ప్రొడ్యూసర్‌: ఆర్కే జానా, ప్రశాంత్‌ మండవ, సాగర్‌.