ఫుల్‌ మూన్‌ మీడియా ప్రొడక్షన్స్‌ పతాకంపై ప్రొడక్షన్‌ నెం-1గా రూపొందిన చిత్రం ‘సౌండ్‌ పార్టీ’. వీజే సన్నీ, హ్రితిక శ్రీనివాస్‌ జంటగా నటించారు. జయ శంకర్‌ సమర్పణలో సంజరు శేరి దర్శకత్వం వహించారు. రవి పొలిశెట్టి, మహేంద్ర గజేంద్ర, శ్రీ శ్యామ్‌ గజేంద్ర నిర్మాతలు. ఈ చిత్రం వరల్డ్‌ వైడ్‌గా ఈనెల 24న గ్రాండ్‌గా థియేటర్లలో విడుదలవుతోంది.
ఈ సందర్భంగా హీరో సన్నీ మీడియాతో మాట్లాడుతూ,’బిగ్‌ బాస్‌’ తర్వాత నేను చేసిన ప్రాజెక్టుల్లో బెస్ట్‌ ప్రాజెక్టు ‘సౌండ్‌ పార్టీ’. ఈ సినిమా కోసం 100% ఎఫెక్ట్‌ పెట్టాను. తండ్రి కొడుకుల మధ్య ఉండే ఫ్రెండ్షిప్‌ బాండింగ్‌ను ఫన్నీ వేలో చూపించాం. డబ్బులు కోసం ఫాదర్‌ అండ్‌ సన్‌ ఏం చేశారనేది.. ఏం చేయకూడదనేది ఇందులో చూపించాం. కంప్లీట్‌ అవుట్‌ అండ్‌ అవుట్‌ ఎంటర్టైనర్‌ ఇది. ఇందులో బిట్‌ కాయిన్‌కు కూడా కీలకపాత్ర ఉంటుంది. ఈ సినిమాకు దర్శకుడు సంజరు నన్ను రిఫర్‌ చేశారు. నిర్మాతలు కొత్తవారైనా ఎక్కడా కాంప్రమైజ్‌ కాకుండా ఈ చిత్రాన్ని నిర్మించారు. సినిమాలో పెద్ద సర్ప్రైజ్‌ కూడా ఉంటుంది. జయశంకర్‌ ప్రెజెంటర్‌గా ఈ సినిమాకు చాలా హెల్ప్‌ చేశారు. హ్రితిక శ్రీనివాస్‌ .. ఆమని మేనకోడలు అని నాకు షూటింగ్‌ టైంలో తెలిసింది. హీరోయిన్‌గా మంచి పేరు తెచ్చుకుంటుంది. శివన్నారాయణని చూస్తే ఎవరికైనా ఇప్పటికీ ‘అమతం’ సీరియల్‌ గుర్తొస్తుంది. ఆయన నేను తండ్రీ కొడుకులుగా ప్రేక్షకులను ఎంటర్టైన్‌ చేస్తాం. వెన్నెల కిషోర్‌ వాయిస్‌ ఓవర్‌ ఇచ్చి సపోర్ట్‌ చేస్తే.. నాని కూడా ప్రమోషన్స్‌ విషయంలో సపోర్ట్‌గా నిలిచారు. సెన్సార్‌ సభ్యులు ఈ సినిమా చూసి చాలా నవ్వుకున్నామని చెప్పారు. యూఎస్‌లో ప్రీమియర్‌ వేస్తే వందకు వంద మార్కులు వేశారు’ అని చెప్పారు.
