లిటిల్‌ బేబీస్‌ క్రియేషన్స్‌ పతాకంపై హరీష్‌ చావా దర్శకత్వంలో నోరి నాగ ప్రసాద్‌ నిర్మిస్తున్న చిత్రం ‘ఇట్లు… మీ సినిమా’. అభిరామ్‌, వెన్నెల, మనోహర్‌, పవన్, కష్ణ, మంజుల హీరో, హీరోయిన్లుగా, ఎఫ్‌2 ఫేమ్‌ ప్రదీప్‌, అమ్మ రమేష్‌ ప్రధాన పాత్రల్లో నటిస్తున్నారు. ఇటీవల దర్శకుడు కోదండరామి రెడ్డి ఈ చిత్ర పోస్టర్‌ను లాంచ్‌ చేశారు. తమకున్న ప్యాషన్‌తో సినిమా రంగానికి వచ్చిన నలుగురు యువకులు ఎదుర్కొన్న సవాళ్లు ఏంటి?, వాళ్ళు సినీ ఇండిస్టీలో సక్సెస్‌ అయ్యారా లేదా అనేది ఈ కథ. లవ్‌, రొమాన్స్‌, కామెడీ, సెంటిమెంట్‌ సమ్మేళనంగా ఈ సినిమా ఉంటుంది. ప్రతి సినిమా వ్యక్తి ఇది నా కథ అని ఫీలయ్యే లాగా ఉంటుంది. మీరావలి అద్భుతమైన సంగీతాన్ని అందించారు. ప్రస్తుతం ఈ చిత్రం సెన్సార్‌ జరుపుకుంటోందని దర్శక, నిర్మాతలు తెలిపారు. ఈ చిత్రానికి డాన్స్‌: తాజ్‌, ఎగ్జిక్యూటివ్‌ ప్రొడ్యూసర్‌: బూస్సా బాలరాజు, నిర్మాత: నోరి నాగ ప్రసాద్‌, మాటలు, స్క్రీన్‌ ప్లే, దర్శకత్వం: హరీష్‌ చావా.
