దర్శకుడు మారుతి దర్శకత్వ పర్యవేక్షణలో తెరకెక్కి, మంచి విజయం సాధించిన చిత్రం ‘భద్రం బి కేర్‌ ఫుల్‌ బ్రదరు’. ఈ చిత్రంతో హీరోగా పరిచయమైన రాజ్‌ దాసిరెడ్డి త్వరలో ఓ యాక్షన్‌ ఎంటర్టైనర్‌తో ప్రేక్షకుల ముందుకు వచ్చేందుకు సన్నాహాలు చేసుకుంటున్నాడు. అమెరికా, ఊటీ, హైదరాబాద్‌, వైజాగ్‌ తదితర ప్రదేశాల్లో రూపొందే ఈ అవుట్‌ అండ్‌ అవుట్‌ యాక్షన్‌ కథా చిత్రం కోసం దాసిరెడ్డి అమెరికాలో యాక్షన్‌కు సంబంధించిన పలు అంశాల్లో ప్రత్యేక శిక్షణ తీసుకుంటున్నారు. ‘భద్రం బి కేర్‌ ఫుల్‌ బ్రదరు’ సినిమా తర్వాత రాజ్‌ దాసిరెడ్డికి తెలుగులో పలు ఆఫర్స్‌ వచ్చినప్పటికీ ఓ హాలీవుడ్‌ ప్రాజెక్ట్‌లో నటించే అవకాశం రావడంతో అమెరికా వెళ్ళారు. అయితే అనివార్య కారణాల వల్ల ఆ ప్రాజెక్ట్‌ ఆలస్యమవుతుండటంతో ఈ యాక్షన్‌ ఎంటర్టైనర్‌కు గ్రీన్‌ సిగల్‌ ఇచ్చారు. సరికొత్త కాన్సెప్ట్‌తో తెరకెక్కబోయే ఈ యాక్షన్‌ ఎంటర్‌టైనర్‌ తనకి మంచి పేరు తీసుకొస్తుందనే నమ్మకాన్ని ఆయన వ్యక్తం చేశారు. ప్రస్తుతం ప్రీ ప్రొడక్షన్‌ పనులు జరుపుకుంటున్న ఈ సినిమాకి సంబంధించిన పూర్తి వివరాలు త్వరలోనే అధికారికంగా వెల్లడి కానున్నాయి.
