ప్రముఖ సినీ నేపథ్య గాయకుడు సిధ్‌ శ్రీరామ్‌ హైదరాబాద్‌లో లైవ్‌ కాన్సర్ట్‌ నిర్వహించబోతోన్నారు. ఫిబ్రవరి 15న ఈ లైవ్‌ మ్యూజిక్‌ కాన్సర్ట్‌ను మూవ్‌78 లైవ్‌ సంస్థ ప్లాన్‌ చేసింది.
ఈ సందర్భంగా సిధ్‌ శ్రీరామ్‌ మాట్లాడుతూ, ‘గత పదేళ్ళ నుంచి తెలుగు ప్రేక్షకులు ఎంతో ప్రేమను కురిపిస్తూనే ఉన్నారు. నాకు తెలుగులోనే ఎక్కువ మంది అభిమానులున్నారు. మూడేళ్ల క్రితం హైదరాబాద్‌లో లైవ్‌ కాన్సర్ట్‌ చేశాను. మళ్లీ ఇప్పుడు చేయబోతున్నాం. ఈ కాన్సర్ట్‌లో నా పాటలతో పాటుగా 80, 90వ దశకంలో వచ్చిన మెలోడీ పాటల్ని కూడా పాడతాను. నేను ప్రస్తుతం తెలుగు నేర్చుకుంటున్నాను. నాకు ఓ ఏడాది టైం ఇవ్వండి, తెలుగులో ఫ్లూయెంట్‌గా మాట్లాడేందుకు ప్రయత్నిస్తాను’ అని అన్నారు.
‘సిధ్‌ శ్రీరామ్‌తో మూడేళ్ల తరువాత మళ్లీ హైదరాబాద్‌లో లైవ్‌ కాన్సర్ట్‌ నిర్వహిస్తున్నాం. ఈ కాన్సర్ట్‌ ముఖ్యంగా ఫ్యామిలీ ఆడియెన్స్‌ కోసం, యూత్‌ కోసం ఏర్పాటు చేస్తున్నాం.నాకు పర్సనల్‌గా నాకు, ఈ జనరేషన్‌కు సిధ్‌ అంటే చాలా ఇష్టం. ఈ ఈవెంట్‌, లైవ్‌ కాన్సర్ట్‌ అద్భుతంగా ఉండబోతోంది. గ్రూపుగా టికెట్లు బుక్‌ చేసుకుంటే డిస్కౌంట్‌ కూడా ఉంటుంది’ అని నితిన్‌ కనకరాజ్‌ అన్నారు.
