అల్లు శిరీష్‌ హీరోగా నటిస్తున్న లేటెస్ట్‌ మూవీ ‘బడ్డీ’. గాయత్రి భరద్వాజ్‌, ప్రిషా రాజేశ్‌ సింగ్‌ హీరోయిన్లుగా నటిస్తున్నారు. ఈ చిత్రాన్ని స్టూడియో గ్రీన్‌ ఫిలింస్‌ బ్యానర్‌ పై కేఈ జ్ఞానవేల్‌ రాజా, అధన జ్ఞానవేల్‌ రాజా నిర్మించగా, శామ్‌ ఆంటోన్‌ దర్శకత్వం వహించారు. నేహ జ్ఞానవేల్‌ రాజా కో ప్రొడ్యూసర్‌గా వ్యవహరించిన ఈ అడ్వెంచరస్‌ యాక్షన్‌ ఎంటర్‌టైనర్‌ ఈనెల 2న థియేట్రికల్‌ రిలీజ్‌కు రెడీ అవుతోంది. ఈ సందర్భంగా నిర్వహించిన ప్రీ రిలీజ్‌ ఈవెంట్‌లో హీరో అల్లు శిరీష్‌ మాట్లాడుతూ, ‘ఈ సినిమా రిలీజ్‌ ముందు వేసిన షోస్‌కు పిల్లలు, పెద్దలు ఇలా..అందరి దగ్గర నుంచి మంచి రెస్పాన్స్‌ వచ్చింది. మాస్‌ ఆడియెన్స్‌ కూడా మూవీని బాగా ఎంజారు చేశారు. నేను ఇది ఎక్స్‌పెక్ట్‌ చేయలేదు. నేను కూడా వారితో కలిసే సినిమా చూశాను. టికెట్‌ రేట్స్‌ ఎక్కువ ఉండటం వల్ల చాలా మంది సెకండ్‌ వీక్‌ థియేటర్స్‌కు వెళ్తున్నారు. అందుకే ఈ సినిమాకు సింగిల్‌ స్క్రీన్‌ 99, మల్టీప్లెక్స్‌ 125 రూపాయల టికెట్‌ రేట్స్‌ పెట్టాం. దాదాపు 200 మంది ఎగ్జిబిటర్స్‌తో మాట్లాడి టికెట్‌ రేట్లు తగ్గించాం. అందుకు నిర్మాత జ్ఞానవేల్‌ రాజాకి థ్యాంక్స్‌’ అని చెప్పారు.
