కరివేపాకు.. దీనితో ఆరోగ్య ప్రయోజనాలతో పాటు కొన్ని బ్యూటీ బెనిఫిట్స్‌ కూడా ఎన్నో లాభాలున్నాయి. వీటిని తినడం వల్ల రక్తంలో హిమోగ్లోబిన్‌ పెరిగి ఐరన్‌ లోపం తగ్గుతుంది. ఇందులో ఎన్నో అద్భుత గుణాలు ఉన్నాయి. పచ్చి కరివేపాకును రోజూ కొద్దిగా తినటంవల్ల కలిగే లాభాలేమిటో చూద్దాం…
ఎముకల బలానికి..
కరివేపాకులో కాల్షియం పుష్కలంగా ఉంటుంది. ఇది దంతాలు, ఎముకల ఆరోగ్యానికి మంచిది. కీళ్ళనొప్పులు, షుగర్‌ ఉన్నవారిలో ఎముకల నొప్పిని తగ్గించి వాటిని బలంగా మారుస్తుంది.
కొలెస్ట్రాల్‌ని తగ్గించడం..
కరివేపాకు తింటే LDL అనే చెడు కొలెస్ట్రరాల్‌ తగ్గుతుంది. దీంతో రక్తనాళాల్లో కొలెస్ట్రాల్‌ పేరుకుపోదు. చెడు కొలెస్ట్రాల్‌ తగ్గితే బీపి కూడా కంట్రోల్‌ అవుతుంది. దీంతో గుండె సంబంధ సమస్యలు తగ్గి హార్ట్‌ హెల్త్‌ బాగుంటుంది.
ఇమ్యూనిటీ పెరుగుదలకు
రోజూ ఉదయాన్నే ఖాళీ కడుపుతో ఓ గ్రాము పచ్చి కరివేపాకు తింటే ఇమ్యూనిటీ పెరుగుతుందని కొన్ని అధ్యయనాలు చెబుతున్నాయి. కరివేపాకులో ప్రోటీన్స్‌, విటమిన్‌ సి పుష్కలంగా ఉంటాయి. దీని వల్ల ఇమ్యూనిటీ బలంగా మారతుంది. ఇన్ఫెక్షన్లు దూరమవుతాయి.
