బాలకష్ణ, దర్శకుడు బాబీ కొల్లి కాంబినేషన్‌లో రూపొందిన చిత్రం ‘డాకు మహారాజ్‌’. శ్రీకర స్టూడియోస్‌ సమర్పణలో సితార ఎంటర్‌టైన్‌మెంట్స్‌, ఫార్చ్యూన్‌ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మించారు. ఈ చిత్ర ట్రైలర్‌ లాంచ్‌ డల్లాస్‌లో ఘనంగా జరిగింది. 2 నిమిషాల 44 సెకన్ల నిడివితో రూపొందిన ఈ ట్రైలర్‌ అద్భుతంగా ఉంది. భిన్న కోణాల్లో కనిపిస్తున్న బాలకృష్ణ పాత్రతోపాటు సంగీతం, ‘చెడ్డవాళ్ళకు ఆయన డాకు. నాకు మాత్రం మహారాజ్‌’, కింగ్‌ ఆఫ్‌ జంగిల్‌.’ వంటి డైౖలాగ్స్‌, మేకింగ్‌.. ఇలా ప్రతీ అంశం ప్రేక్షకులకు థ్రిల్‌ ఇస్తుందని కచ్చితంగా చెప్పొచ్చు. ఈ చిత్రం సంక్రాంతి కానుకగా ఈనెల 12న విడుదల కానుంది. యాక్షన్‌, వినోదం, భావోద్వేగాల మేళవింపుతో రూపొందిన ఈ చిత్రంతో ప్రేక్షకులకు గొప్ప అనుభూతిని అందిస్తామని చిత్ర బందం నమ్మకంగా ఉంది.
