‘బీజేపీకి మెజార్టీ ఉన్నందువల్ల పార్లమెంట్‌ను రద్దు చేసి ప్రెసిడెంట్స్‌ రూల్‌ లాంటిది పెట్టినా పెడతారు. ఈ దిశగా వారు రాజ్యాంగాన్ని సవరించినా ఆశ్చర్యపోనక్కర లేదు. మనుషులంతా సమానం కాదనీ, పుట్టుకను బట్టి మనుషులను చీల్చిన మూడు వేల ఏండ్ల నాటి వారసత్వాన్ని కొనసాగి స్తున్న వారు దేశంలో అధికారంలో ఉన్నారు. పైగా వారిది సనాతన ధర్మ సంప్రదాయం అని చెప్పుకుంటున్నారు. వారు పవిత్ర గ్రం థాలుగా చెప్పుకునేవన్నీ అమానవీయ విలు వలకు పట్టం కట్టేవే. ఇలాంటి వారు అధి కారంలో ఉన్నప్పుడు ప్రజలందరికీ సమాన త్వం, స్వేచ్ఛ, న్యాయం అందాలని చెప్పిన ఈ దేశ రాజ్యంగానికి విలువనిస్తారా? భార తదేశాన్ని ఆధునిక ప్రపంచంలోకి నడిపిం చిన మన రాజ్యాంగాన్ని దాని విలువల్ని నిలబెడతారా?- అని అనుమానపడాల్సి వస్తోంది. దేశంలో ప్రజాస్వామ్యం ప్రమాదంలో పడిందని ఈ దేశ పౌరులకు పూర్తిగా అర్థమైంది. దీన్ని ఇలాగే కొనసాగిస్తే దేశంలో రాబోయేది ఇక ఫాసిజమే!
– లోక్‌సభ పూర్వ సెక్రటరీ జనరల్‌ పి.డి.టి. ఆచారి
ఈ రోజు దేశద్రోహులు అధికారంలోకి వచ్చారు కాబట్టి. దేశ ప్రేమికుల్ని ఎగతాళి చేస్తున్నారు. ముస్లింలయినందు వల్ల వారిని రెండవస్థాయి పౌరులుగా చూస్తున్నారు. మాట్లా డితే ఈ దేశంలోని ముస్లింలంతా పాకిస్థాన్‌ వెళ్ళి పోవాలని ఆదేశాలిస్తున్నారు. ముస్లింల ఇళ్ళ మీదికి బుల్‌డోజర్లు పంపు తున్నారు. దేశభక్తి గురించి మహోపన్యా సాలిచ్చే ఈ దేశద్రో హులకు తెలియని విషయాలు చాలా ఉన్నాయి. తెలిసినా, తెలియనట్టే ప్రవర్తిస్తుంటారు. భారత స్వాతంత్య్ర పోరా టంలో అసలే పాలుపంచుకోని ఆరెస్సెస్‌ వారికి దేశభక్తి గురించి మాట్లాడే అర్హత ఉందా? ఆలోచించండి! భారతదేశ స్వాతంత్య్ర పోరాటంలో ఎనిమిది లక్షల మంది ముస్లింలు తమ ప్రాణాల్ని నజరానాగా సమర్పిం చారని వీరికి తెలుసా? ఈ విషయం ఏ ముస్లిం రచయితో రాయలేదు. తారాచంద్‌ అనే చరిత్రకారుడు రాశాడు. ఈయన అలహాబాదు విశ్వ విద్యాలయానికి 1940లలో వైస్‌ ఛాన్స్‌లర్‌గా పని చేశారు. బ్రిటీష్‌ వారి ఈస్ట్‌ఇండియా కంపెనీకి వ్యతిరేకంగా తొలి యుద్ధం చేసిన వాడు సిరాజు ద్దౌలా. ఒకప్పటి బెంగాల్‌ నవాబు. రెండో యుద్ధం చేసిన వాడు మరో బెంగాల్‌ నవాబు మీర్‌ ఖాసిం. దేశ చరిత్రలో ”క్విట్‌ ఇండియా” (భారత్‌ ఛోడో ఆందోళన్‌) ఒక మహోన్నత పోరాటం. దాన్ని ప్రతి పాదించిన వాడు ముస్లిం. యూసుఫ్‌ మెహర్‌ అలీ. ఒక సోషలిస్ట్‌ నాయకుడు. 1942లో బొంబా యి మేయర్‌గా పనిచేశాడు. ఎరవాడ సెంట్రల్‌ జైలులో, జైలు జీవితం గడిపాడు. ‘సైమన్‌ గో బ్యాక్‌’ – నినాదం ఇచ్చింది కూడా ఈ యూసుఫ్‌ మెహర్‌ అలీయే.
‘జై హింద్‌’ నినాదాన్ని హిందుత్వవాదులు స్వంతం చేసు కోవడానికి తాపత్రయపడుతున్నారు గానీ, ఆ నినాదాన్ని రూపొందించింది మన హైదరాబాదు వాడైన అబీద్‌ హు స్సేన్‌ సఫ్రానీ. సాఫ్రాన్‌ అంటే కాషాయ రంగు. హిందు వులకు ప్రియమైన ఆ రంగును తన పేరు చివర తగిలిం చుకుని, పరమత సహనంలోని ఔన్నత్యాన్ని చాటి చెప్పిన వాడు. 1857లో ప్రథమ స్వాతంత్య్రోద్యమాన్ని ప్రారంభిం చిన వాడు ముస్లిం- చివరి మొఘల్‌ చక్రవర్తి బహద్దూర్‌ షా జఫర్‌! కొందరు తప్పుగా మంగల్‌ పాండే అని ప్రచారం చేస్తున్నారు. 1917లో గాంధీ జీ ప్రాణాల్ని కాపాడింది కూడా ఒక ముస్లి మే- గాంధీజీ బీహార్‌ చంపారన్‌లో ఉన్నప్పు డు సూప్‌లో విషం కలిపి, ఆయనతో తాగిం చి చంపాలని బ్రిటిష్‌ వారు కుట్ర చేశారు. అప్పుడు అక్కడ వంటవాడిగా ఉన్న బతక్‌ మియా అన్సారీ తెగించి, గాంధీజీకి చెప్పి, తాగకుండా అడ్డుకోగలిగాడు. వారు చేస్తున్న కుట్ర బయట పెడితే గనక, తనను తన కు టుంబాన్ని సర్వనాశనం చేస్తామని బ్రిటీష్‌ వారు బెదిరించినా కూడా బతక్‌మియా అన్సారీ తెగించి అలా చేయడమంటే మాట లు కాదు గదా? ఎంత తెగువ, ఎంత ధైర్యం, ఈ దేశం మీద ఎంతప్రేమ ఉండాలీ?
భారత స్వాతంత్య్ర పోరాటంలో పాల్గొన్న ఉద్యమకారు లకు అండమాన్‌లోని- కాలాపానీ-సెల్యులర్‌ జైలులో అత్యంత కఠినమైన శిక్షలు విధించే వారు. అలా శిక్షలు అనుభవించిన దేశభక్తులలో తొంబై అయిదు శాతం మంది ముస్లింలేనన్నది మరువకూడదు. భారతరత్న అబ్దుల్‌ కలాం ఆజాద్‌ కూడా భారత స్వాతంత్య్ర పోరాటంలో పాల్గొన్నం దుకు నాటి బ్రిటీష్‌ ప్రభుత్వం ఆయనను 14 ఏండ్లు జైల్లో పెట్టింది. ఇలాంటి వివరాలు దేశ ప్రజల్లో చాలా మందికి తెలియకపోవచ్చు. తరాలు మారాయి. జీవనశైలి మారింది. వందేళ్ల క్రితం ఏం జరిగిందో తెలుపుకోవాల్సిన అవసర మేమిటీ? అని కొంతమంది అనుకోవచ్చు. నిజాలు, వాస్త వాలు కావాలనుకున్నవారు తెలసుకోవాలి. అబద్ధపు బతుకు బతకాలనుకుంటే ఏమీ తెలుసుకోనక్కరలేదు. వివేచనతో వాస్తవాలు గ్రహించాలనుకుంటే మాత్రం ఆనాటి ఆ త్యాగమూర్తులను స్మరించుకోవాలి. లేకపోతే అబద్ధపు కథలు చెప్పి, బూటకపు మాటలతో బురిడి కొట్టించే పార్టీలు, నాయ కులు మన చుట్టే ఉన్నారు. ముఖ్యంగా సమకాలీన సమా జంలో ఎల్లవేళలా జాగరూకతతో ఉండాల్సిన అవసరం ఇప్పు డు వచ్చింది గనక-తప్పక తెలుసుకుంటూ ఉండాలి!
నిజాయితీ, ఆత్మగౌరవం అంటే ఏమిటో తెలుసుకోవ డానికి ఒక చిన్న కథను పరిశీలిద్దాం-ఒక ఎడారి ప్రాంతపు వ్యాపారి తను సుఖంగా ప్రయాణాలు చేయడానికి ఒక ఒంటెను కొనాలనుకున్నాడు. ఒక వ్యక్తి దగ్గర బేరమాడి ఒంటెను కొన్నాడు. ఇంటికి వెళ్లి ఒంటెను శుభ్రంగా కడగ మని పనివాడికి చెప్పాడు. పనివాడు ఒంటెను కడుగుతుంటే దాని వీపు మీద నుండి చిన్న సంచి కింద పడింది. పనివాడు అది తీసుకువెళ్ళి తన యజమానికి ఇచ్చాడు. యజమాని ఆ చిన్న సంచి విప్పి చూశాడు. ఆశ్చర్యంగా అందులో రత్నాలు ధగధగా మెరిసిపోతూ కనిపించాయి. ”ఇది వెంటనే తీసుకు వెళ్ళి మనకు ఒంటెను అమ్మిన వ్యక్తికి ఇచ్చేయాలి” అన్నాడు యజమాని.
”హుజూర్‌-ఇది ఎవరూ చూడలేదు కదా? మీరే ఉంచే సుకోవచ్చు-ఉంచేసుకోండి!”- అన్నాడు పనివాడు.
”నాకు చెపుతున్నావ్‌ కానీ, ఆ పని నువ్వెందుకు చేయ లేదూ? ఈ సంచి నీకు దొరికినట్టు నాకు తెలియదు కదా?” – అన్నాడు యజమాని.
”అయ్య బాబోరు! మీకు అలా ఎలా ద్రోహం చేస్తాను హుజూర్‌? నేను మీ ఉప్పు తిని బతుకుతున్న వాణ్ణయ్యా!”- అన్నాడు పనివాడు.
”నువ్వు-నన్నే మోసం చేయలేక పోయావు…బావుంది! కానీ-మరి నేనూ? నన్ను నేను ఎలా మోసగించుకోనూ?” అన్నాడు యజమాని.కొంత అర్థమయ్యీ, కొంత అర్థంకాక తెల్లముఖం వేశాడు పనివాడు.
రత్నాలున్న చిన్న సంచిని తీసుకెళ్ళి వ్యాపారి, ఒంటెను అమ్మిన వ్యక్తికి అందజేశాడు. అతని ముఖం నవ్వుతో విప్పారింది.
”మిమ్మల్ని చూస్తుంటే నాకు చాలా సంతోషంగా ఉంది. నావి నాకు తిరిగి ఇచ్చేశారు. ఈ రోజుల్లో మీలాంటి వారు ఉండడం చాలా అరుదు-సంతోషంగా ఒక మాట చెపుతు న్నాను వినండి! ఇందులోంచి మీకు నచ్చిన రత్నాలు తీసు కొండి. నేనిచ్చే బహుమతి అనుకోండి!” అన్నాడు ఒంటెను అమ్మిన వ్యక్తి.
”రెండు తీసుకునే మీకు ఇచ్చానండి” అని అన్నాడు వ్యాపారి. ఒంటెను అమ్మిన వ్యక్తి అతని వైపు అనుమానంగా చూసి, రత్నాలు లెక్కబెట్టుకున్నాడు. అన్నీ సరిగానే ఉన్నాయనుకుని.
అదేమిటీ? మీరేమీ తీసుకోలేదు కదా? అన్నీ సరిగానే ఉన్నాయి”-అన్నాడు.
”అయ్యా! నేను తీసుకున్నవి – నా నిజాయితీ- నా ఆత్మ గౌరవం! ఆ రెండు రత్నాలు నా దగ్గరే పెట్టుకుని, మీ రత్నా లు మీకు ఇచ్చేశా” అన్నాడు వ్యాపారి. నిజాయితీపరుడి విలు వను అర్థం చేసుకోవాల్సిందే తప్ప, డబ్బుతో, సంప దతో, రత్నాలతో కొలవలేం! ఇలాంటి కథలు మన దేశంలో అధికారంలో ఉన్న ఆరెస్సెస్‌, బీజేపీకి నచ్చవు. ఎందుకంటే వారికి నిజాయితీ, ఆత్మగౌర వాలు అక్కరలేదు. వాటిని తీసుకెళ్ళి కార్పోరేట్లకు అప్పగించి, ప్రజల్ని పీడిస్తుం టారు. ఒకప్పుడు ఇదే ఆరెస్సెస్‌, ఇదే భారత ప్రభుత్వంతో ఎందుకు నిషేధించబడిందో ఆత్మవిమర్శ చేసుకోరు!
హోంమంత్రిగా ఉన్నప్పుడు ఆరెస్సెస్‌ను నిషే ధించిన భారత తొలి ఉప ప్రధాని సర్దార్‌ వల్లబ్‌ భారు పటేల్‌ ‘హిందూ రాష్ట్రం’ గురించి ఏమన్నా రో చూడండి- ”నా దృష్టిలో భారతదేశం హిందూ దేశంగా మారదు. హిందూ మతమే భారత దేశం కాదు. మైనార్టీలు కూడా మన దేశంలో నివసిస్తు న్నారని, వారి భద్రతకు ఏర్పాట్లు చేయడం మన కర్తవ్యమని గుర్తుంచుకోవాలి! ఈ దేశం అందరిది. అది ఏ మతం వారైనా, ఏ కులం వారైనా అందరూ ఈ దేశ పౌరులే! పాకిస్థాన్‌ అనుసరిస్తున్న మార్గాన్ని మనం అనుసరించలేం. మన లౌకిక లక్ష్యాలు రక్షించబడాలని-మనం గుర్తుంచుకో వాలి! ఇక్కడ ప్రతి ముస్లిం, ప్రతి క్రిస్టియన్‌ ఇంకా ఇతర మైనార్టీలు తాము ఇక్కడ సురక్షితంగా ఉన్నామని, భారతీ యపౌరులుగా సమాన హక్కులు కలిగి ఉన్నామనీ విశ్వసి స్తున్నారు. ఈ విషయం మనం గుర్తుంచు కోవడంలో విఫల మైతే, దీనికి విస్తృత ప్రచారం ఇవ్వడంలో విఫలమైతే, అది మన వారసత్వానికీ, దేశానికీ ఘోర అవమానం జరిగిన ట్టే”-అని అన్నారు సర్దార్‌ పటేల్‌. దేశ సమగ్రతకు పాటు పడిన దృఢ సంకల్పుడాయన! ఉక్కు మనిషి !! అందవల్ల ప్రస్తుతం బీజేపీతో పోరాడవల్సింది, అధికారం కోసం కాదు – దేశ సమగ్రతకోసం అని ప్రధాన విపక్షాలన్నీ ఏక కంఠంతో అంటున్నాయి. ”భారత్‌ జోడో-నఫ్రత్‌ ఛోడో”- అని దేశ ప్రజలంతా అంటున్నారు.
– సుప్రసిద్ద సాహితీ వేత్త, జీవశాస్త్రవేత్త (మెల్బోర్న్‌ నుంచి)
– డాక్టర్‌ దేవరాజు మహారాజు
