హీరో సూర్య నటిస్తున్న తాజా మూవీ ‘కంగువ’. ఈ సినిమాను భారీ నిర్మాణ విలువలతో స్టూడియో గ్రీన్‌, యూవీ క్రియేషన్స్‌ నిర్మిస్తున్నాయి. దిశా పటానీ హీరోయిన్‌గా నటిస్తోంది. చారిత్రక నేపథ్యంతో డైరెక్టర్‌ శివ రూపొందిస్తున్నారు. పాన్‌ వరల్డ్‌ మూవీగా మొత్తం పది భాషల్లో తెరకెక్కుతున్న ‘కంగువ’ త్రీడీలోనూ ప్రేక్షకుల ముందుకు రానుంది. ఈ సినిమాలో ఉధిరన్‌ అనే పవర్‌ ఫుల్‌ రోల్‌లో బాలీవుడ్‌ యాక్టర్‌ బాబీ డియోల్‌ నటిస్తున్నారు. శనివారం ఆయన బర్త్‌ డే సందర్భంగా ఈ సినిమా నుంచి ఆయన పోషిస్తున్న క్యారెక్టర్‌ ఉధిరన్‌ లుక్‌ రిలీజ్‌ చేశారు. ‘రూత్‌ లెస్‌, పవర్‌ ఫుల్‌, అన్‌ ఫర్‌ గెటబుల్‌ ..’ అంటూ ఉధిరన్‌ క్యారెక్టర్‌ను పరిచయం చేస్తూ బాబీ డియోల్‌కు బర్త్‌ డే విషెస్‌ చెప్పారు మేకర్స్‌. ఈ పోస్టర్‌లో బాబీ డియోల్‌ ఉధిరన్‌గా యూనిక్‌ మేకోవర్‌లో కనిపిస్తున్నారు. యుద్ధానికి సిద్ధమవుతున్న ఉధిరన్‌కు ఆయన వర్గం ప్రజలంతా తమ మద్ధతు తెలుపుతున్నట్లు ఈ పోస్టర్‌లో కనిపిస్తోంది. విజువల్‌ వండర్‌గా ప్రేక్షకులకు మర్చిపోలేని సినిమాటిక్‌ ఎక్స్‌పీరియన్స్‌ ఇచ్చేందుకు ఈ సినిమా త్వరలోనే థియేటర్స్‌లోకి రానుంది. యోగి బాబు, బాబీ డియోల్‌ తదితరులు నటిస్తున్న ఈ చిత్రానికి ఎడిటర్‌ : నిశాద్‌ యూసుఫ్‌, సినిమాటోగ్రఫీ : వెట్రి పళనిస్వామి, యాక్షన్‌ : సుప్రీమ్‌ సుందర్‌, డైలాగ్స్‌ : మదన్‌ కార్కే, కథ : శివ, ఆది నారాయణ, పాటలు : వివేక్‌, మదన్‌ కార్కే, కొరియోగ్రఫీ : శోభి, ఎగ్జిక్యూటివ్‌ ప్రొడ్యూసర్‌ : ఏ జే రాజా, కో ప్రొడ్యూసర్‌ : నేహా జ్ఞానవేల్‌ రాజా, ప్రొడ్యూసర్స్‌ : కేఈ జ్ఞానవేల్‌ రాజా, వంశీ, ప్రమోద్‌.
