ప్రముఖ ఓటీటీల్లో స్ట్రీమింగ్‌ అవుతూ మంచి రెస్పాన్స్‌ తెచ్చుకుంటోంది ‘కన్యక’ మూవీ. ఈ చిత్రాన్ని బి సినీ ఈటి సమర్పణలో శ్రీ కాశీ విశ్వనాథ్‌ పిక్చర్స్‌ బ్యానర్స్‌ పై కేవీ అమర లింగేశ్వరరావు, ఆతుకూరి సాంబశివరావు, కూరపాటి పూర్ణచంద్రరావు నిర్మించారు. ఈ సినిమా ప్రస్తుతం ఎయిర్‌టెల్‌ ఎక్స్‌ట్రీమ్‌, హంగామా, టాటా ప్లే బింగే, వాచో, వి మూవీస్‌ టీవీ ఇంకా ప్రముఖ ఓటీటీ ప్లాట్‌ ఫామ్స్‌లో స్ట్రీమింగ్‌ అవుతోంది.
ఈ సినిమాకి వస్తున్న అనూహ్య స్పందన నేపథ్యంలో నిర్మాతలు మాట్లాడుతూ, ‘మా సినిమాకు అన్ని ప్రముఖ ఓటీటీల్లో మంచి రెస్పాన్స్‌ వస్తోంది. మా మొదటి సినిమానే ఒక మంచి మెసేజ్‌ ఓరియంటెడ్‌ సినిమా చేసినందుకు ఆనందంగా ఉంది. నకరికల్లు వాసవి కన్యక టెంపుల్‌లో అమ్మవారి మీద చిత్రీకరించిన పాట హైలెట్‌గా నిలిచింది’ అని తెలిపారు.
దర్శకుడు రాఘవ మాట్లాడుతూ, ‘ఆడవారి పట్ల అమానుషంగా ప్రవర్తిస్తే ఎవరు క్షమిం చిన అమ్మవారు క్షమించదు, శిక్షిస్తుందని ఈ చిత్రం ద్వారా తెలియజేశాం. చాలా తక్కువ రోజుల్లో, తక్కువ బడ్జెట్‌లో ఫినిష్‌ చేశాం. షూటింగ్‌కు నకరికల్లు, చాగంటివారి పాలెం వాసులు ఎంతో సహకరించారు. విశ్వనాథ శాస్త్రి అనే ఒక బ్రాహ్మణోత్తముని కూతురు కన్యక కనిపించకుండా పోతుంది. ఆమె కోసం శ్రావ్య అనే అమ్మాయి ఇన్విస్టిగేట్‌ చేస్తుంది. కన్యక ఏమైంది?, వచ్చిన శ్రావ్య ఎవరు?, చివరి వరకు అసలు ఏం జరిగింది అని సస్పెన్స్‌ కథాంశంతో, మనం చేసిన తప్పులను ఒక కన్ను గమనిస్తుంది అని మెసేజ్‌తో ప్రేక్షకుల్ని ఆకట్టుకుంటోంది’ అని అన్నారు.
