హీరో తేజస్‌ కంచర్ల చేస్తోన్న తాజా చిత్రం ‘ఉరుకు పటేల’. ‘గెట్‌ ఉరికిఫైడ్‌’ అనేది సినిమా ట్యాగ్‌లైన్‌. లీడ్‌ ఎడ్జ్‌ పిక్చర్స్‌ బ్యానర్‌పై వివేక్‌ రెడ్డి దర్శకత్వంలో కంచర్ల బాల భాను ఈ సినిమాను నిర్మించారు. తాజాగా ఈ చిత్ర టీజర్‌ను హీరో అడివి శేష్‌ రిలీజ్‌ చేశారు. హీరో తేజస్‌ కంచర్ల మాట్లాడుతూ, ‘ప్రవీణ్‌ లక్కరాజు మంచి సంగీతాన్ని ఇచ్చారు. ఈనెల నుంచి పాటల్ని రిలీజ్‌ చేస్తాం. మా దర్శకుడు వివేక్‌ చెప్పిన కథ నాకు చాలా నచ్చింది. కెమెరామెన్‌ సన్నీ అద్భుతమైన విజువల్స్‌ ఇచ్చారు. కుష్‌బూ బాగా నటించారు’ అని అన్నారు.
‘మా నిర్మాతే మా చిత్రానికి ఒరిజినల్‌ పటేల. ఆ తరువాత హీరో తేజస్‌. మేం అంతా కలిసి మంచి చిత్రాన్ని తీశాం. నిర్మాత మాకేం కావాలో.. ఎంత కావాలో అంతా ఇచ్చారు’ అని దర్శకుడు వివేక్‌ రెడ్డి అన్నారు. హీరోయిన్‌ కుష్‌బూ చౌదరి మాట్లాడుతూ, ‘టీజర్‌లో పూర్తి కథను చెప్పలేదు. సినిమా స్టోరీ చాలా బాగుంటుంది. మీకు వన్‌ పర్సెంటేజ్‌ మాత్రమే చూపించాం’ అని తెలిపారు. ‘ఇది మా మొదటి సినిమా. లీడ్‌ ఎడ్జ్‌ పిక్చర్స్‌ మీద మా అబ్బాయి తేజస్‌తో ఈ చిత్రాన్ని తీస్తున్నాం. వివేక్‌ మంచి కథను రాశారు. అందరూ ఆదరించండి’ అని నిర్మాత బాలభాను అన్నారు. ఎడిటర్‌ శశాంక్‌ మాట్లాడుతూ, ‘ఇంత మంచి సినిమాలో అవకాశం ఇచ్చిన దర్శక, నిర్మాతలకు థ్యాంక్స్‌’ అని చెప్పారు. ‘బాల భాను తన తనయుడికి మంచి సినిమాను ఇవ్వబోతోన్నారు. ఇందులో మంచి పాటలున్నాయి. ప్రవీణ్‌ లక్కరాజు మంచి సంగీతాన్ని ఇచ్చారు’ అని అన్నారు. ప్రవీణ్‌ లక్కరాజు మాట్లాడుతూ, ‘యంగ్‌ టీంతో పని చేయడం ఆనందంగా ఉంది. ఈ సినిమా కోసం చాలా ట్రాక్స్‌ క్రియేట్‌ చేశాను. ఆర్‌ఆర్‌ బాగా వచ్చింది’ అని అన్నారు.
