దిల్‌రాజు ప్రొడక్షన్స్‌ పతాకంపై రూపొందుతోన్న సినిమా ‘జనక అయితే గనక’. శిరీష్‌ సమర్పణలో హర్షిత్‌ రెడ్డి, హన్షిత రెడ్డి నిర్మించారు. సుహాస్‌ హీరోగా నటించారు. సందీప్‌ రెడ్డి బండ్ల డైరెక్ట్‌ చేశారు. సెప్టెంబర్‌ 7న ఈ సినిమా గ్రాండ్‌గా విడుదల కానుంది. సంగీర్తన హీరోయిన్‌గా నటించారు. ఈ సినిమా ఫైనల్‌ వెర్షన్‌ని చూసి యుఎస్‌ఏ హక్కులను హీరో సుహాస్‌ సొంతం చేసుకున్నారు. ఈ సందర్భంగా హీరో సుహాస్‌ మాట్లాడుతూ, ”ఫైనల్‌ వెర్షన్‌ చాలా బాగా నచ్చింది. అందుకే యుఎస్‌ఏ రైట్స్‌ తీసుకున్నా. పక్కా ఎంటర్‌టైనింగ్‌ సినిమా. ప్రతి దానికీ లెక్కలు చెప్పే మిడిల్‌ క్లాస్‌ అబ్బాయిగా కనిపిస్తాను. సినిమా చూస్తూ ప్రేక్షకులు పడీ పడీ నవ్వుకుంటారు. మా డైరక్టర్‌ చాలా మంచి సినిమా చేశారు. దిల్‌రాజు పోర్ట్‌ చేసిన తీరు మర్చిపోలేం’ అని అన్నారు. ఈ చిత్రానికి ఎగ్జిక్యూటివ్‌ ప్రొడ్యూసర్‌: అకుల్‌.
