హీరో విజయ్ ఆంటోనీ నటిస్తున్న లేటెస్ట్‌ మూవీ ‘తుఫాన్‌’. ఈ సినిమాను ఇన్ఫినిటీ ఫిల్మ్‌ వెంచర్స్‌ బ్యానర్‌ పై కమల్‌ బోరా, డి.లలితా, బి. ప్రదీప్‌, పంకజ్‌ బోరా నిర్మిస్తున్నారు. ఈ సంస్థ గతంలో విజయ్ ఆంటోనీ హీరోగా ‘రాఘవన్‌, హత్య’ సినిమాలను నిర్మించింది. పొయెటిక్‌ యాక్షన్‌ ఎంటర్‌టైనర్‌ జోనర్‌ లో ఈ సినిమాని రూపొందిస్తున్నారు దర్శకుడు విజరు మిల్టన్‌. ఈ సినిమాను త్వరలో గ్రాండ్‌ థియేట్రికల్‌ రిలీజ్‌కు తీసుకు రానున్నారు. ఈ నేపథ్యంలో ఈ చిత్రంలోని సెకండ్‌ సింగిల్‌ ‘వెతికా నేనే నా జాడే’ని చిత్ర బృందం రిలీజ్‌ చేసింది. ఈ పాటకు భాష్యశ్రీ లిరిక్స్‌ అందించారు. మాష్మి నేహా పాడారు. హరి దఫూషియా సంగీతాన్ని అందించారు. ‘వెతికా నేనే నా జాడే నిలిచి దారిలో..నా ఒళ్లే వెతికే నేడు కొత్త పేరునే, నాకు నేనై తప్పి పోయా గాలై సాగుతూ..కాలం కరిగిపోయే తీరం చేరుతూ’ అంటూ ఆలోచింపజేసే లిరిక్స్‌తో సాగుతుందీ పాట. ఈ సినిమాకు ఈ పాట ప్రత్యేక ఆకర్షణగా నిలవనుంది అని మేకర్స్‌ తెలిపారు. శరత్‌ కుమార్‌, సత్యరాజ్‌, డాలీ ధనుంజయ, మేఘా ఆకాష్‌, మురళీ శర్మ, పథ్వీ అంబర్‌, శరణ్య పొన్వన్నన్‌, తలైవాసల్‌ విజరు తదితరులు నటిస్తున్నారు.
