చిరంజీవి నటిస్తున్న యాంటిసిపేటెడ్‌ క్రేజీ సోషియో-ఫాంటసీ ఎంటర్టైనర్‌ ‘విశ్వంభర’. రాబోయే సంక్రాంతికి థియేటర్లలో విడుదల కానుంది. షెడ్యూల్‌ ప్రకారం సినిమాకు సంబంధించిన పనులు జరుగుతున్నాయి. తాజాగా మేకర్స్‌ సినిమా డబ్బింగ్‌ పనులు మొదలుపెట్టారు. ఈ సినిమాలో అత్యున్నత స్థాయి వీఎఫ్‌ఎక్స్‌ ఉంటుంది. పోస్ట్‌ ప్రొడక్షన్‌ ఫార్మాలిటీస్‌ పూర్తి చేయడానికి తగినంత సమయం పడుతుంది. దీంతో ప్రొడక్షన్‌, పోస్ట్‌ ప్రొడక్షన్‌ పనులు ఏకకాలంలో జరుగుతున్నాయి. ఈ సినిమాలో హనుమాన్‌కి గొప్ప భక్తుడిగా చిరంజీవి కనిపించనున్నారు. యాక్షన్‌ సీక్వెన్స్‌లు అద్భుతంగా ఉండబోతున్నాయి. దర్శకుడు వశిష్ట సినిమాకు సంబంధించిన ప్రతి విషయంలోనూ చాలా జాగ్రత్తలు తీసుకుంటున్నారు. బ్లాక్‌బస్టర్‌ ప్రొడక్షన్‌ హౌస్‌ యువి క్రియేషన్స్‌ నిర్మిస్తున్న ఈ ప్రతిష్టాత్మక ప్రాజెక్ట్‌లో త్రిష కృష్ణన్‌, ఆషికా రంగనాథ్‌ హీరోయిన్లుగా నటిస్తున్నారు. కునాల్‌ కపూర్‌ పవర్‌ ఫుల్‌ పాత్రలో కనిపించనున్నారు. విక్రమ్‌, వంశీ, ప్రమోద్‌ ఈ ఫాంటసీ యాక్షన్‌ అడ్వెంచర్‌ని నిర్మిస్తున్నారు. ఎంఎం కీరవాణి సంగీతం సమకూరుస్తుండగా, డీవోపీ చోటా కె నాయుడు సినిమాటోగ్రాఫర్‌గా బాధ్యతలు నిర్వర్తిస్తున్నారు. సంక్రాంతి కానుకగా ఈ సినిమా వచ్చే జనవరి10న విడుదల కానుంది.
