చిరంజీవి మోస్ట్‌ ఎవైటెడ్‌ సోషియో-ఫాంటసీ ఎంటర్టైనర్‌ ‘విశ్వంభర’. రాబోయే సంక్రాంతి రిలీజ్‌కి సిద్ధంగా ఉంది. పోస్ట్‌ ప్రొడక్షన్‌ వర్క్‌ సహా ప్రొడక్షన్‌ పనులు జరుగుతున్న ఈ సినిమా షెడ్యూల్‌ ప్రకారం ముందుకు సాగుతోంది. ప్రస్తుతం హైదరాబాద్‌లో భారీ స్థాయిలో చిత్రీకరణ జరుపుకుంటున్న ‘విశ్వంభర’ క్లైమాక్స్‌కు చేరుకుంది. ఈ క్లైమాక్స్‌ సీక్వెన్స్‌ అత్యంత ప్రతిష్టాత్మకంగా, విజువల్‌ వండర్‌గా వుండబోతోంది. వశిష్ట క్రియేటివ్‌ అప్రోచ్‌తో ఫాంటసీ ఎలిమెంట్స్‌ని విజువల్‌గా మహాఅద్భుతంగా ప్రజెంట్‌ చేస్తున్నారు.
ఈ ఇంటెన్స్‌ క్లైమాక్స్‌కి ఇండియన్‌ టాప్‌ యాక్షన్‌ కొరియోగ్రాఫర్‌ అన్ల్‌ అరసు యాక్షన్‌ డిజైన్‌ చేస్తున్నారు. క్లైమాక్స్‌ ప్రేక్షకుల అంచనాలను మించి ఉంటుంది. క్లైమాక్స్‌ సీక్వెన్స్‌ స్కేల్‌, స్కోప్‌ చాలా గ్రాండ్‌గా ఉంటాయి. ప్రముఖ నిర్మాణ సంస్థ యూవీ క్రియేషన్స్‌ బ్యానర్‌ పై నిర్మాతలు విక్రమ్‌, వంశీ, ప్రమోద్‌ ప్రతిష్టాత్మకంగా నిర్మిస్తున్న ఈ చిత్రంలో త్రిష కష్ణన్‌, ఆషికా రంగనాథ్‌ కీలక పాత్రలు పోషిస్తుండగా, కునాల్‌ కపూర్‌ పవర్‌ ఫుల్‌ రోల్‌లో కనిపించనున్నారు. సంక్రాంతి కానుకగా జనవరి 10న ఈ సినిమా విడుదల కానుంది. ఈ చిత్రానికి రచన,దర్శకత్వం: వశిష్ట, నిర్మాతలు: విక్రమ్‌, వంశీ, ప్రమోద్‌, సంగీతం: ఎంఎం కీరవాణి, డీవోపీ: చోటా కె నాయుడు, ప్రొడక్షన్‌ డిజైనర్‌: ఏఎస్‌ ప్రకాష్‌.
