చిరంజీవి నటిస్తున్న ఫాంటసీ ఆడ్వెంచర్‌ చిత్రం ‘విశ్వంభర’. ఈ సినిమా కోసం చిరు జిమ్‌లో కసరత్తులు చేస్తూ ప్రత్యేకంగా సిద్ధమౌతున్నారు. ఈ వర్క్‌ అవుట్‌కి సంబంధించిన వీడియో ఇప్పుడు సోషల్‌ మీడియాలో టాప్‌ ట్రెండ్‌లో వైరల్‌ అవుతోంది. వీడియో చివర్లో ‘గెట్టింగ్‌ రెడీ ఫర్‌ విశ్వంభర’ అని మెగాస్టార్‌ చెప్పడం అభిమానుల్లో మరింత ఉత్సాహాన్ని నింపింది. ఈ నెల నుంచి చిరు ఈ సినిమా షూటింగ్‌లో జాయిన్‌ అవుతున్నారు. ‘బింబిసార’ ఫేమ్‌ వశిష్ట ఈ మెగా ఫాంటసీ అడ్వెంచర్‌కు దర్శకత్వం వహిస్తున్నారు. యువి క్రియేషన్స్‌ పతాకంపై విక్రమ్‌, వంశీ, ప్రమోద్‌ అత్యంత భారీ బడ్జెట్‌తో నిర్మిస్తునారు.వచ్చే ఏడాది సంక్రాంతికి సినిమాను విడుదల చేస్తామని మేకర్స్‌ ఇప్పటికే అనౌన్స్‌ చేశారు. ఈ చిత్రానికి రచన, దర్శకత్వం: వశిష్ట, నిర్మాతలు: విక్రమ్‌, వంశీ, ప్రమోద్‌, సంగీతం: ఎంఎం కీరవాణి, డీవోపీ : ఛోటా కె నాయుడు, ప్రొడక్షన్‌ డిజైనర్‌: ఏఎస్‌ ప్రకాష్‌, కాస్ట్యూమ్‌ డిజైనర్‌: సుస్మిత కొణిదెల, ఎడిటర్‌: కోటగిరి వెంకటేశ్వరరావు, సంతోష్‌ కామిరెడ్డి, సాహిత్యం: శ్రీ శివ శక్తి దత్తా, చంద్రబోస్‌.
