నవతెలంగాణ- డిచ్ పల్లివిద్యార్థులు కష్టపడి అన్ని రంగాలలో వారి ప్రతిభను చాటుతూ దేశ అభివృద్ధి కోసం నిరంతరం కృషి చేయాలని,దేశం కోసం పనిచేస్తామనే ఉద్దేశం ఉన్నవారికి ఆర్మీ, నేవీ, ఎయిర్ఫోర్స్ వంటి విభాగాల్లో అవకాశాలు ఎక్కువగా ఉంటాయని విద్యార్థులు కష్టపడితే అత్యున్నత స్థానానికి చేరుకొని దేశానికి సేవలు అందించ వచ్చని ఫ్లయింగ్ అధికారి దేశ్పాండే విష్ణు చైతన్య అన్నారు.సోమవారం తెలంగాణ యూనివర్సిటీ బిజినెస్ మేనేజ్మెంట్ డిపార్ట్మెంట్లో స్కిల్ డెవలప్మెంట్ పై కార్యక్రమాన్ని యూనివర్సిటీ కాలేజ్ ఆఫ్ కామర్స్ అండ్ బిజినెస్ మేనేజ్మెంట్ కళాశాలలో బిజినెస్ మేనేజ్మెంట్ డిపార్ట్మెంట్ ఆధ్వర్యంలో నిర్వహించారు.ఈ కార్యక్రమానికి ముఖ్యఅతిథిగా ఫ్లయింగ్ అధికారి దేశ్పాండే విష్ణు చైతన్య పాల్గొని మాట్లాడుతూ విద్యార్థులు జీవితంలో విజయం సాధించాలంటే కష్టపడే తత్వం, సమయపాలన వంటివి కీలక పాత్ర పోషిస్తాయని, ప్రతి ఒక్కరూ క్రమశిక్షణ తో కష్టపడితే అత్యున్నత స్థానాన్ని సాధించి తల్లిదండ్రులకు మంచి పేరు తీసుకు వస్తారని, మరింతగా కష్టపడి చదువుకోవాలని సూచించారు.విద్యార్థులు కష్టపడి అన్ని రంగాలలో తమలో దాగి ఉన్న ప్రతిభను చాటుతూ దేశ అభివృద్ధి కోసం కృషి చేయాలని కోరారు.దేశం కోసం పనిచేస్తామనే ఉద్దేశం ఉన్నవారికి ఆర్మీ, నేవీ, ఎయిర్ఫోర్స్ వంటి విభాగాల్లో అవకాశాలు ఎక్కువగా ఉంటాయని విద్యార్థులు కష్టపడితే అత్యున్నత స్థానానికి చేరుకొని దేశానికి సేవలు అందజేయాలని పేర్కొన్నారు. ఈ కార్యక్రమంలో బిజినెస్ మేనేజ్మెంట్ డీన్ ప్రోఫేసర్ డాక్టర్ . కైసర్ మొహమ్మద్, హెడ్ ఆఫ్ ది డిపార్ట్మెంట్ ప్రోపేసర్ డాక్టర్ అపర్ణ, శ్రీకాంత్, ప్రోఫేసర్ నందిని, ప్రోఫేసర్. నీలిమ, విద్యార్థులు తదితరులు పాల్గొన్నారు.
