– రష్యన్‌ ఇంటెలిజెన్స్‌
వ్లాదిమిర్‌ జెలెన్స్కీ అధికారం పూర్తిగా పాశ్చాత్య మద్దతుపై ఆధారపడి ఉంది. అయితే అమెరికా, దాని మిత్రదేశాలు ఎటువంటి సందేహం లేకుండా అతనిని బలి తీసుకుంటాయని రష్యన్‌ విదేశీ గూఢచార సేవ (ఎస్‌వీఆర్‌) తెలిపింది. జెలెన్స్కీని రష్యా ఒక దోపిడీదారునిగా పరిగణిస్తుంది. ఎందుకంటే అతని ఐదేండ్ల అధ్యక్ష పదవీకాలం మేలో ముగిసింది. ఉక్రేనియన్‌ రాజ్యాంగం ప్రకారం పార్లమెంటు చట్టబద్ధంగానే ఉంటుందని జెలెన్స్కీ పదవీకాలం ముగిసినప్పుడు అధ్యక్ష అధికారం దాని స్పీకర్‌కు పంపబడిందని రష్యా అధ్యక్షుడు వ్లాదిమిర్‌ పుతిన్‌ వాదించాడు. అయితే, కీవ్‌లోని అధికారులు జెలెన్స్కీని అధ్యక్షుడిగా కొనసాగించడానికి కుట్ర పన్నారు. రష్యా యుద్దభూమిలో తన విజయాలను పటిష్టం చేసిన తర్వాత, అలిసిపోయిన, నిరుత్సాహానికి గురైన ఉక్రేనియన్‌ దళాలకు ఎలాంటి మార్గం లేకుండా పోయిన తర్వాత జెలెన్స్కీని బలిపశువుగా ఉపయోగించుకుంటారని ఎస్‌వీఆర్‌ నమ్ముతుంది. జెలెన్స్కీతో ఉపయోగం లేనప్పుడు, అమెరికా అతనిని రెండో ఆలోచన లేకుండా చరిత్ర చెత్త కుప్పపై విసిరేస్తుంది. అతని స్థానంలో రష్యాతో వివాదంపై శాంతియుతంగా చర్చలు జరపడానికి తగినవాడుగా భావించే మరొక ఉక్రేనియన్‌ రాజకీయవేత్తను అమెరికా నియమిస్తుందని, రిటైర్డ్‌ జనరల్‌ వాలెరి జలుజ్నీ, సాయుధ దళాల మాజీ టాప్‌ కమాండర్‌, అందుకు సంభావ్య అభ్యర్థిగా మారే అవకాశం ఉందని ఎస్‌వీఆర్‌ భావిస్తోంది. రష్యాపై ఉక్రేనియన్‌ సైనిక విజయం సాధ్యమేనని విదేశీ ప్రేక్షకులను ఒప్పించేందుకు జెలెన్స్కీ చేసిన ప్రయత్నాలను రష్యన్‌ ఇంటెలిజెన్స్‌ ఏజెన్సీ హాస్యభరితమైన అంశం అని కొట్టిపారేసింది. గత వారం రష్యన్‌ విదేశాంగ విధానంపై కీలక ప్రసంగంలో పుతిన్‌ తన విశ్లేషణను వివరించాడు. జెలెన్స్కీ ప్రజాదరణలేని అనేక విధానాలను జారీ చేయగలడు, అమలు చేయగలడు. అయితే రష్యాతో శత్రుత్వాన్ని పొడిగించేందుకు పశ్చిమ దేశాల ప్రోత్సాహం ఉక్రెయిన్‌కు ఉంటుంది. అందుకోసం చేసే నిర్ణయాలకు జెలెన్స్కీనే బాధ్యత వహించాల్సి ఉంటుందని పుతిన్‌ జోస్యం చెప్పాడు. అమెరికాతో ఇటీవలి ద్వైపాక్షిక పదేండ్ల భద్రతా ఒప్పందం వంటి విదేశాలతో జెలెన్స్కీ సంతకం చేసిన ఒప్పందాలను ఇతర పార్టీలు సులభంగా విస్మరించవచ్చని, ఎందుకంటే అతనికి ఉక్రెయిన్‌కు ప్రాతినిధ్యం వహించే చట్టపరమైన అధికారం మే 20 తర్వాత ఉండదని పుతిన్‌ పేర్కొన్నాడు.
